________________
बारसमो उद्देसओ
वानरकप्पो जीवो, सिलाजऊसरिसमोहसंबंधो । पंचसु वि इंदिएहिं, विसयासत्तो इमो पावो ॥३४॥ पावर पुणो पुणो च्चिय, निहणं संसारसायरे घोरे । जूहाहिवई व इमो, बद्धो पंचसु वि अक्खे ||३५|| जइ पुण कुणइ पयत्तं, इंदियविसएस एस दुट्ठजिओ । ता मुंचइ बंधाओ, तडट्ठिओ विसयसंगस्स ॥३६॥ जड़ पण इंदियसत्तो, मज्झे वियसाण वट्टए तेसिं । ता नरय- तिरिय-कुमणुय - किव्विसदेवेसु परिभमइ ||३७|| एक्केक्किदियबद्धा, बहवे निहणं गया इहं जीवा । पंचण्ह वि वसवत्ती, निहणं पावेइ सुट्टुयरं ॥ ३८ ॥
गंधव्ववीणवाइयरामाकलसद्दभूसणक्खेहिं । सवणिदियवसवत्ती, हरिणो इव गच्छइ विणासं ॥३९॥ लीला[ ] ? सविलविलोलनयणविक्खेवक्खि (खि) त्तनयणमणो । चक्खिदियवसवत्ती, सलहो इव जाइ विणिवायं ॥४०॥
कुंकुमकप्पूरागरुहरियंदणबहलपरिमलाखित्तो । गंधिंदियवसवत्ती, भसलो इव नासमुवयाई ॥४१॥
महुरन्नपाणसोणियपिसियमहुरविसयरसगिद्धो । जिब्भिदियवसवत्ती, विणिवायं जाइ मीणो व्व ॥ ४२ ॥
रामाकोमलसंफरिससुरयसुमणसविलेवणक्खित्तो । फासिंदियवसवत्ती, गओ व्व परिबज्झए मूढो ॥४३॥ एवमणेगे दोसा, पणट्ठदिट्ठसिचेद्वाणं । दुव्विहियइंदियाणं, हवंति बाहाकरा बहवे ॥४४॥ एक्क्केण विट्ठा, इंदियदोसेण रागदोसत्ता । एए किं पुण एसो, जीवो पंचिन्दियवसट्टो ॥ ४५ ॥ सोनत्थि अक्खविसओ, जेणब्भत्थेण कह वि एयाई । तित्ताइं मुद्धि नूणं, हवंति निच्चं पि तिसियाई ॥ ४६ ॥
Jain Education International 2010_02
१६१
For Private & Personal Use Only
www.jainelibrary.org
