________________
२६४
कुमारपालचरित्रसङ्ग्रहः [अत्र कुन्दकथानकवर्णनं परिकथितम् ।] जो पुण नियममखंडं पालिज्ज अवज्जवज्जणुज्जुत्तो । सो पुरिसो परलोए सोक्खमखंडं लहइ नूणं ॥२०३।। जो य न करेज्ज नियमं निद्धम्मो जो कयं च भंजिज्जा ।
सो मंसभोगगिद्धो नरयाइकयत्थणं सहइ ।।२०४।। ता महाराय ! जुत्तं तुमए कयं जं सत्तण्हं महावसणाणं दुवे पारद्धी मंसं च परिचत्ताणि सेसाणि वि सव्वाणत्थनिबंधणाणि परिहरियव्वाणि । तत्थ
10
६६११. हेमचन्द्रसूरिकृतो द्यूतपरिहारविषयोपदेशः । तदनुसारेण कुमारपालस्य द्यूतपरित्यागः, राज्येऽपि तन्निषेधः ।
जं कुलकलंकमूलं गुरुलज्जा-सच्च-सोयपडिकूलं । धम्मत्थ-कामचुक्कं दाण-दया-भोगपरिमुक्कं ॥२०५।। पिय-माय-भाय-सुय-भज्जमोसणं सोसणं सुहजलाणं । सुगइपडिवक्खभूयं तं जूयं राय ! परिहरसु ॥२०६॥ जूयपसत्तो सत्तो समत्तवित्तस्स कुणइ विद्धंसं । हारियअसेसरज्जो इह दिटुंतो नलो राया ॥२०७||
15
[ अत्र ग्रन्थकारेण द्यूतविषये नलचरितं ग्रथितम् ।] एयं सोऊण भणियं रन्ना-भयवं ! न मए अक्खाइजूएण कीलामेत्तं पि कायव्वं । गुरुणा वुत्तं-महाराय ! जुत्तं तुम्हारिसाणं विणिज्जियअक्खाणं अक्खजूयवज्जणं । मंतीहिं विन्नत्तो राया-देव ! देवेण ताव सयं परिचत्तं एवं, अओ सव्वत्थ रज्जे निवारिज्जउ त्ति । 20 रन्ना वुत्तं-एवं करेह । 'आएसो पमाणं'ति भणंतेहिं तेहिं तहेव कयं ।
Jain Education International
For Private & Personal Use Only
www.jainelibrary.org.
