________________
स्तोत्र-रास-संहिता
अढारस अक्खरेहिं जो मंतो । जो जाणइ सो झायइ परम पयत्थं फुडंपासं ||२३|| पासह समरण जो कुणइ संतुठे हिअएण, अठठुत्तर सय वाहिभय, नासइ तस्स दूरेण ॥२४॥
गणधरदेव-स्तुतिरूप तंजयउ-स्तोत्र
तं जयउ जए तित्थं, जमित्थ तित्थाहिवेण वीरेण । सम्म पवत्तियं भव्व-सत्त-संताण-सुह-जणयं || नासियसयल-किलेसा, निहय-कुलेसा, पसत्थसुह-लेसा । सिरिवद्धमाण-तित्थस्स मंगलं दिन्तु ते अरिहा ॥२॥ निद्दड्ढकम्मबीआ, बीआ परमेट्ठिणो गुण-समिद्धा । सिद्धा तिजय-पसिद्धा, हणन्तु दुत्थाणि तित्थस्स ॥३॥ आयारमायरंता पंच-पयारं सया पयासन्ता । आयरिया तह तित्थं, निहयकुतित्थं पयासन्तु ||४|| सम्म-सुअ-वायगा वायगा य सिअवाय-वायगा वाए। पवयण-पडिणीय-कए वणिंतु सव्वस्स संघस्स || निव्वाण-साहणुज्जय-साहूणं जणिय-सव्वसाहज्जा। तित्थप्पभावगा ते हवंतु परमेट्ठिणो जइणो ॥६॥ जेणाणुगयं णाणं निव्वाणफलं च चरणमवि हवइ । तित्थस्स दंसणं तं मंगुलमवणेउ सिद्धियरं ॥७॥ निच्छम्मो सुअ-धम्मो, समग्ग-भव्वंगि-वग्ग-कय-सम्मो। गुण-सुट्ठिअस्स संघस्स, मंगलं सम्ममिह दिसउ ||८||
