________________
गेयाष्टक
(अनित्य भावना)
मूढ मुह्यसि मुधा मूढ मुह्यसि मुधा, विभवमनुचिन्त्य हृदि सपरिवारम् । कुशशिरसि नीरमिव गलदनिलकम्पितं, विनय जानीहि जीवितमसारं ॥ मूढ० ॥ ध्रुवपद ॥ पश्य भङ्गुरमिदं विषयसुखसौहृदं, पश्यतामेव नश्यति सहासं । एतदनुहरति संसाररूपं रयाज्ज्वलजलदबालिकारुचिविलासं ॥ मूढ० ॥१॥ हन्त हतयौवनं पुच्छमिव शौवनं, कुटिलमति तदपि लघुदृष्टनष्टम् । तेन बत परवशा परवशा हतधियः, कटुकमिह किं न कलयन्ति कष्टम् ? ॥ मूढ०॥२॥ यदपि पिण्याकतामङ्गमिदमुपगतं, भुवनदुर्जयजरापीतसारम् । तदपि गतलजमुज्झति मनो नाङ्गिनां वितथमति कुथितमन्मथविकारम् ।। मूढ० ॥३॥
Jain Education International
For Private & Personal Use Only
www.jainelibrary.org
