Page Text
________________
रहमुसलसंगामे कालाइमरणकहा
४३३
संगामत्थं कूणिएण पुणो दूयपेसणं तए णं से कुणिए राया तस्स दूयस्स अंतिए एयमलै सोच्चा निसम्म आसुरुत्ते-जाव-मिसिमिसेमाणे तच्चं दूयं सद्दावेइ, सद्दावेत्ता एवं वयासी--"गच्छह णं तुम देवाणुप्पिया ! बेसालीए नयरीए चेडगस्स रनो वामेण पाएणं पायवीढं अक्कमाहि, अक्कमेत्ता कुंतग्गेणं लेहं पणावेहि, पणावित्ता आसुरुत्ते-जाव-मिसिमिसेमाणे तिवलिये भिडि निडाले साहट्ट चेडगं रायं एवं वयासी--'हंभो! चेडगराया! अपत्थियपत्थिया, दुरन्त जाव-परिवज्जिया एस णं कुणिए राया आणवेइ-पच्चप्पिणाहि णं कुणियस्स रन्नो सेयणगं अट्ठारसवंक च हारं, बेहल्लं च कुमारं पेसेहि, अहब जुद्धसज्जो चिट्ठाहि । एस णं कुणिए राया सबले सवाहणे सखंधावारे णं जुद्धसज्जे हब्वमागच्छई"। तए णं से दूए करयल० तहेव-जाव-जेणेव चेडए तेणेव उवागच्छइ, उवाच्छित्ता करयल०-जाव-वद्धावेत्ता एवं बयासी--"एस णं, सामी! ममं विणयपडिवत्ती। 'इयाणि कणियस्स रन्नो आण' ति चेडगस्स रन्नो वामेणं पाएणं पायवीढं अक्कमइ, अक्कमित्ता आसुरुत्ते कुंतग्गेण लेहं पणावेइ, तं चेव सबलखंधावारे णं इह हव्वमागच्छई"।
चेडयस्स जुज्झसज्जत्तं तए णं से चेडए राया तस्स दूयस्स अंतिए एयमढें सोच्चा निमस्स आसुरुत्ते-जाव-साहट्ट एवं वयासी-"न अप्पिणामि गं कुणियस्स रनो सेयणगं अट्ठारसर्वक हार, बेहल्लं च कुमारं नो पेसेमि, एस णं जुद्धसज्जे चिट्ठामि" तं दूयं असक्कारियं असमाणियं अवद्दारेणं निच्छुहावेइ।
कणियाइवाणं कालाइकमाराणं संगामत्थं सम्मीलणं ५३ तए णं से कणिए राया तस्स दूयस्स अंतिए एयमह्र सोच्चा निसम्म आसरुत्ते कालाईए दस कुमारे सद्दावेइ, सद्दावेत्ता एवं
वयासी--"एवं खलु देवाणुप्पिया ! वेहल्ले कुमारे ममं असंविदिएण सेयणगं गंधहत्थि अट्ठारसवंक हारं अंतेउर सभण्डं च गहाय चंपाओ निक्खमइ, निक्खमित्ता वेसालि अज्जगं-जाव-उवसंपज्जित्ताणं विहरइ । तए णं मए सेयणगस्स गन्धहत्थिस्स अट्ठारसवंकस्स अट्टाए दूया पेसिया । ते य चेडएण रन्ना इमेणं कारणेणं पडिसेहित्ता अदुत्तरं च णं ममं तच्चे दूए असक्कारिए असंमाणिए अबदारेणं निच्छुहावेइ । तं सेयं खलु देवाणुप्पिया! अम्हं चेडगस्स रन्नो जुत्तं गिण्हित्तए"। तए णं कालईया दस कुमारा कुणियस्स रन्नो एयमलै विणएणं पडिसुणेति।। तए णं से कुणिए राया कालाईए दस कुमारे एवं वयासो-"गच्छह गं तुम्भे देवाणुप्पिया! सएसु सएसु रज्जेसु पत्तेयं पत्तेयं व्हाया -जाव-पायच्छित्ता हत्थिखंधवरगया पत्तेयं पत्तेयं तिहि दंतिसहस्सेहिं एवं तिहि रहसहस्सेहिं तिहि आससहस्सेहि तिहि मणुस्सकोडीहि सद्धि संपरिवुडा सव्वीड्ढिए-जाव-रवेणं सहितो सहितो नयरहितो पडिनिक्खमह, पडिनिक्खमित्ता ममं अंतियं पाउब्भवह"। तए णं ते कालाईया दस कुमारा कुणियस्स रन्नो एयमट्ठ सोच्चा सएसु सएसु रज्जेसु पत्तेयं पत्तेयं व्हाया-जाव-तिहि मणुस्सकोडोहिं सद्धि संपरिबुडा सव्विड्ढीए-जाव-रवेणं सहितो सहितों नयरेहितो पडिनिक्खमंति, पडिनिक्खमित्ता जेणेव अंगा जणवए, जेणेव चंपा नयरी, जेणेव कुणिए राया, तेणेव उवागया करयल-जाव-बद्धाति ।
कालाइकुमारसहियस्म कूणियस्स जुज्झ8 वेसालि पइ पत्थाणं ५५ तए णं से कुणिए राया कौटुंबियपुरिसे सद्दावेइ, सहावेत्ता एवं वयासी-"खिप्पामेव भो देवाणुप्पिया! आभिसेक्कं हत्थिरयणं
पडिकप्पेह, हय-गय-रह-जोह-चाउरंगिण सेणं संनाहेह, संनाहइत्ता ममं एयमाणत्तियं पच्चप्पिणह,"-जाव-पच्चप्पिणंत्ति । तए णं से कणिए राया जेणेव मज्जणघरे तेणेव उवागच्छइ,-जाव-पडिनिग्गच्छिता जेणेव बाहिरिया उबढाणसाला-जाव-नरवई दुरूढे । तए णं से कूणिए राया तिहि दंतिसहस्सेहि-जाव-रवेणं चंपं नार मझमझणं निगच्छइ, निग्गच्छित्ता जेणेव कालाईया दस कुमारा तेणेव उवागच्छइ, उवागच्छित्ता कालाईएहि दसहि कुमारहिं सद्धि एगओ मेलायति । तए णं से कुणिए राया तेत्तीसाए दंतिसहस्सेहि, तेत्तीसाए आसतहस्तेहि, तेतीसाए रहसहस्सेहि, तेत्तीसाए मगुस्सकोडीहि सद्धि संपरिबुडे सव्विड्ढीए-जाव-रवेणं सु हँ बसहीहि सुहं पायरासेहिं नाइविगिहिं अंतरावासेहिं बसमाणे वसमाणे अंगजणवयस्स मझमझेणं जेणेव विदेहे जणवए, जेणेव वेसाली नयरी तेगेव पहारेत्य गमगाए।
ध० के० ५५
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |