Page Text
________________
धम्मकहाणुओगे दुतीयो खंधो
अहासुहं देवाणुप्पिया! तए णं से थावच्चापुत्ते अणगारसहस्सेणं सद्धि बहिया जणवयविहारं विहरइ ।।
सेलगरायागमणं १७५ तेणं कालेणं तेणं समएणं सेलगपुरे नाम नगरे होत्था। सुभूमिभागे उज्जाणे । सेलए राया। पउमावई देवी। मंडुए कुमारे जुवराया।
तस्स णं सेलगस्स पंथगपामोक्खा पंच मंतिसया होत्था-उप्पत्तियाए-जाद-पारिणामियाए उववेया रज्जधुरं चितयंति ॥ थावच्चापुत्ते सेलगपुरे समोसढे । राया निग्गए।
सेलगस्स गिहिधम्म-पडिवत्ती १७६ तए णं से सेलए राया थावच्चापुत्तस्स अणगारस्स अंतिए धम्म सोच्चा एवं वयासी
"जहा णं देवाणुप्पियाणं सं अंतिए बहवे उग्गा उग्गपुत्ता मुंडा भवित्ताणं अगाराओ अणचारियं पब्वइया, तहा णं अहं नो संचाएमि-जाव-पब्वइत्तए, अहं णं देवाणुप्पियाणं अंतिए पंचाणुव्वइयं-जाव-गिहिधम्म पडिज्जिस्सामि।" अहासुहं देवाणुप्पिया! मा पडिबंध करेहि ॥ तए णं से सेलए राया थावच्चापुत्तस्स अणगारस्स अंतिए पंचाणुध्वइयं-जाव-गिहिधम्म उवसंपज्जइ ॥
सेलगस्स समणोवासग-चरिया १७७ तए णं सेलए राया समणोवासए जाए--अभिगयजीवाजीवे अप्पाणं भावमाणे विहरई ॥
पंथगपामोक्खा पंच मंति-सया समणोवासया जाया ॥ थावच्चापुत्ते बहिया जणवयविहारं विहरइ ॥
सोगंधियाए सुदंसणे सेट्ठी १७८ तेणं कालेणं तेणं समएणं सोगंधिया नाम नयरी होत्था-वण्णओ। नीलासोए उज्जाणे-वण्णओ।
तत्थ णं सोगंधियाए नयरीए सुदंसणे नामं नयरसेट्ठी परिवसइ, अड्ढे-जाव-अपरिभूए ।
सोगंधियाए सुयपरिवायगागमणं तेणं कालेणं तेणं समएणं सुए नाम परिव्वायए होत्था--रिउवय-जजुब्वेय-सामवेय-अथव्वणवेय-सद्वितंतकुसले संखसमए लट्ठ पंचजम-पंचनियमजुत्तं सोयमलयं दसप्पयारं परिव्वायगधम्मं दाणधम्मं च सोयधम्मं च तित्थाभिसेयं च आघवेमाणे पष्णवेमाणे धाउरत्त-वत्थ-पवर-परिहिए तिदंड-कुंडिय-छत्त-छनालय-अंकुस-पवित्तय-केसरि-हत्थगए परिव्वायगसहस्सेणं सद्धि संपरिवडे जेणेव सोगंधिया नयरी जेणेव परिव्वायगावसहे तेणेव उवागच्छइ, उवागच्छित्ता परिवायगावसहंसि भंडगनिक्खेवं करेइ, करेत्ता संखसमएणं अप्पाणं भावमाणे विहरइ॥ तए णं सोगंधियाए नगरीए सिंघाडग तिग-चउक्क-चच्चर-चउम्मुह-महापह-पहेसु बहुजणो अण्णमण्णस्स एवमाइक्खइ--एवं खलु सुए परिव्वायए इहमागए इह संपत्ते इह समोसढे इह चेव सोगंधियाए नयरीए परिव्वायगावसहंसि राखसमएणं अप्पाणं भावमाणे विहरइ॥ परिसा निग्गया! सुदंसणो वि णीति ॥
सुयपरिब्वायगेण सोयमलय-धम्मोवएसो १८० तए णं से सुए परिव्वायए तीसे परिसाए सुदंसणस्स य अण्णेसि च बहूणं संखाणं परिकहेइ-एवं खलु सुदंसणा! अम्हं सोयमूलए
धम्मे पण्णते। से वि य सोए दुविहे पण्णत्ते, तं जहा-दवसोए य, भावसोए य। दव्वसोए उदएणं मट्टियाए य। भावसोए दम्भेहि य मंतेहि य। जं णं अम्हं देवाणुप्पिया! किंचि असुई भवइ तं सव्वं सज्जो पुढवीए आलिप्पइ, तओ पच्छा सुद्धण बारिणा पक्खालिज्जइ, तओ तं असुई सुई भवइ । एवं खलु जीवा जलाभिसेय-पूयप्पाणो अविग्घेणं सग्गं गच्छति ॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |