Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 280

अरिट्टिनेमितित्थे गजसुकुमालाइसमणा
२५
अरिष्टनेमिणा सुलसाचरियकहणेण संका-समाधाण १२२ तए णं अरहा अरिढणेमी देवई देवि एवं वयासी
"से नणं तव देवई ! इमे छ अणगारे पासित्ता अयमेयारूवे अज्झथिए । 'संकप्पे समुप्पण्णे-"एवं खलु अहं पोलासपुरे नयरे अइमत्तेणं कुमारसमणेणं बालत्तणे वागरिआ तं चेव जाव निम्गच्छित्ता मम अंतियं हव्वमागया ।" से नणं देवई ! अट्ट सम?? हंता अत्थि ॥ एवं खलु देवाणुप्पिए ! तेणं कालेणं तेणं समएणं भद्दिलपुरे नयरे नागे नाम गाहावई परिवसइ-अड्ढे जाव अपरिभूए ।
तस्स णं नागस्स गाहावइस्स सुलसा नाम भारिया होत्था ॥ . १२३ तए णं सा सुलसा गाहावइणी बालत्तणे चेव नेमित्तिएणं वागरिया-“एस णं दारिया णिदू भविस्सइ ॥"
तए णं सा सुलसा बालप्पभिई चेव हरिणेगमेसिस्स पडिमं करेइ, करेत्ता कल्लाकल्लि व्हाया कयबलिकम्मा कयकोउय-मंगलपायच्छित्ता उल्लपड-साडया महरिहं पुप्फच्चणं करेइ, करेता जण्णुपायपडिया पणामं करेइ, करेत्ता तओ पच्छा आहारेइ वा नीहारेइ वा चरइ वा ॥ तए णं तीसे सुलसाए गाहावइणीए भत्तिबहुमाणसुस्सूसाए हरिणेगमेसी देवे आराहिए यावि होत्था ॥ तए णं से हरिणेगमेसी देवे सुलसाए गाहावइणीए अणुकंपणट्टयाए सुलसं गाहावइणि तुमं च 'दो वि समउउयाओ' करेइ । तए णं तुन्भे दो वि समामेव गम्भे गिण्हह, समामेव गभे परिवहह, समामेष दारए पयायह॥
तए णं सा सुलसा गाहावइणी विणिहायमावण्णे दारए पयायइ ॥ १२४ तए णं से हरिणेगमेसी देवे सुलसाए गाहावइणीए अणुकंपगट्टयाए विणिहाय-मावण्णे दारए करयल संपुडेणं गेण्हइ, गेण्हित्ता तब
अंतियं साहरइ। तं समयं च णं तुमं पि नवण्हं मासाणं सुकुमालदारए पसवसि । जे वि य णं देवाणुप्पिए ! तव पुत्ता ते वि य तव अंतिआओ करयल-संपुडेणं गेण्हइ, गेण्हित्ता सुलसाए गाहावइणीए अंतिए साहरइ। तं तव चेव णं देवई ! एए पुत्ता। णो सुलसाए गाहावइणीए ॥
छ सहोदरा अणगारा देवईए एव पृत्त ति णच्चा देवईए हरिसो १२५ तए णं सा देवई देवी अरहओ अरिटुणेमिस्स अंतिए एयम सोच्चा निसम्म हटुतुद्दचित्तमाणंदिया पीइमणा परमसोमणस्सिया
हरिसवसविसप्पमाणहियया अरहं अरिदणेमि वंदइ नमसइ, वंदित्ता नमंसित्ता जेणेव ते छ अणगारा तेणेव उवागच्छइ, उवाच्छित्ता ते छप्पि अणगारे वंदइ नमसइ, वंदित्ता नमंसित्ता आगयपण्हया पप्फुयलोयणा कंचुयपडिक्खित्तया दरियवलय-बाहा धाराहय-कलंबपुष्फग विव समूससिय-रोमकूवा ते छप्पि अणगारे अणिमिसाए विट्ठीए पेहमाणी पेहमाणी सुचिरं निरिक्खइ, निरिक्खित्ता वंदइ नमसइ, वंदित्ता नमंसित्ता जेणेव अरहा अरिटुणेमी तेणेव उवागच्छइ, उवागच्छित्ता अरहं अरिटुमि तिक्खुत्तो आयाहिण-पयाहिणं करेइ, करेत्ता बंदइ नमसइ, वंदित्ता नमंसित्ता तमेव धम्मियं जाणप्पवरं दुरुहइ, दुहिता जेणेव बारवई नयरी तेणेव उवागच्छइ, उवागच्छित्ता बारवई नरि अणुप्पविसइ, अणुप्पविसित्ता जेणेव सए गिहे जेणेव बाहिरिया उवट्ठाणसाला तेणेव उवागया, धम्मियाओ जाणप्पवराओ पच्चोरुहइ, पच्चोरुहिता जेणेव सए वासघरे जेणेव सए सयणिज्जे तेणेव उवागया सयंसि सणिज्जंसि निसीयइ॥
देवईमणम्मि पुत्तस्स लालनपालनाभिलासो चिता य १२६ तए णं तीसे देवईए देवीए अयं अज्झथिए । संकप्पे समुप्पण्णे-“एवं खलु अहं सरिसए जाव नलकूबर-समाणे सत्त पुत्ते पयाया,
नो चेव णं मए एगस्स वि बालत्तणए समणुब्भूए। एस वि य णं कण्हे वासुदेवे छह-छहं मासाणं ममं अंतियं पायवंदए हव्वमागच्छइ। तं धण्णाओ णं ताओ अम्मयाओ, पुण्णाओ णं ताओ अम्मयाओ, कयपुण्णाओ णं ताओ अम्मयाओ, कयलक्खणाओ णं ताओ अम्मयाओ, जासि मण्णे णियग-कुच्छि-संभूयाई थणवुद्ध-लुखयाई महुर-समुल्लावयाई मम्मण-पजंपियाई थण-मूलाकक्खदेसभागं अभिसरमाणाई मुद्धयाइं पुणो य कोमलकमलोबमेहि हत्थेहि गिहिऊण उच्छंगे णिवेसियाई देति समुल्लावए सुमहुरे पुणो-पुणो मंजुलप्पणिए । अहं णं अधण्णा अपुण्णा अकयपुण्णा अकयलक्खणा एत्तो एक्कतरमवि ण पत्ता-ओहयमणसंकप्पा करयलपल्हत्थमुही अट्टज्माणोवगया झियायइ॥"
ध० क० ४