________________
धम्मकहाणुओगे पढमखंधे
सेसं तहेव-जाव-तुम्भाहि ण भाइयव्व ति कटु भगवओ तित्थयरस्स तित्थयरमायाए य पुरित्थिमेणं आयंस-हत्थगयाओ आगायमाणीओ परिगायमाणीओ चिट्ठति ।
२९ तेणं कालेणं तेणं समएणं दाहिण-रुयग-वत्थव्वाओ अट्ठ दिसाकुमारीओ तहेव -जाव-विहरंति, तं जहा -
गाहा- १ समाहारा, २ सुप्पइण्णा, ३ सुप्पबुद्धा, ४ जसोहरा।
५ लच्छिमई, ६ सेसवई, ७ चित्तगुत्ता, ८ वसुंधरा ॥१॥ तहेव -जाव- तुब्भाहि ण भाइयव्वं ति कटु भगवओ तित्थयरस्स तित्थयरस्स माऊए य दाहिणणं भिंगारहत्थगयाओ आगायमाणीओ परिगायमाणीओ चिट्ठति।
३० तेणं कालेणं तेणं समएणं पच्चत्थिम-रुयग-वत्थम्बाओ अटु दिसाकुमारीओ महत्तरियाओ सहि सहि कू.हिं -जाव-विहरंति,
तं जहा - गाहा - १ इलादेवी, २ सुरादेवी, ३ पुहवी, ४ पउमाबई।
५ एगणासा, ६ णवमिया, ७ भद्दा, ८ सीया य अट्ठमा ॥१॥
सेसं तहेव -जाव-तुब्भाहि ण भाइयव्वं ति कटु-जाव-भगवओ तित्थयरस्स तित्थयरमाऊए य पच्चत्थिमेणं तालियंटहत्थगयाओ आगायमाणीओ परिगायमाणीओ चिट्ठति ।
३१ तेणं कालेणं तेणं समएणं उत्तरिल्ल-रुयग-वत्थव्वाओ -जाव- विहरंति, तं जहा
गाहा - १ अलंबुसा, २ मिस्सकेसी, ३ पुण्डरीया य, ४ वारुणी ।
५ हासा, ६ सव्वप्पभा, ७ चेव हिरि, ८ सिरि, चेव उत्तराओ ॥१॥
तहेव - जाव-वदित्ता भगवओ तित्थयरस्स तित्थयरमाऊए य उत्तरेणं चामरहत्थगयाओ आगायमाणीओ परिगायमाणीओ चिट्ठति ।
३२ तेणं कालेगं तेणं समएणं विदिसि-रुपग-वस्थवाओ चतारि दिसाकुमारीओ - जाव - विहरंति, तंजहा -
गाहा - १ चित्ता य, २ चित्तकणगा, ३ सतेरा, ४ य सोदामिणी ।
तहेव - जाव - ण भाइयब्वं ति कटु भगवओ तित्थयरस्स तित्थयर-माऊए य चउसु विदिसासु दीविया-हत्थगयाओ आगायमाणीओ परिगायमाणोओ चिट्ठन्ति त्ति ।
१ ठाणं० अ०८, सु० ६४३ । २ तत्य णं अदिसाकुमारि महनरिया ओ महिड्डियाओ - जाव- पलिओवमट्ठियाओ परिवसंति, तं जहागाहा-अलंबुसा मितकेसी पोंडरिगी य वारुणी । आसा य सव्वगा चेव, सिरि हिरी चेव उत्तरओ ।।१।।
ठाणं० अ०८, सू० ६४३ ।
।
३ ईमाई चतारि नामाई ठागंगे च उत्थे ठाणे पढमे उद्देसे विज्जुकुमारिमहत्तरियाणं संति, चत्तारि विज्जुकुमारिमहत्तरियाओ पण्णत्ताओ तं जहा-१ चित्ता, २ चित्तकणगा, ३ सएरा, ४ सोयामणी ।।
ठाणं० अ०४, उ०१,सु०२५९ ।
Jain Education International
For Private & Personal Use Only
www.jainelibrary.org
