Page Text
________________
५९४
पंचसंगहो भूदाणुकंप वद-जोगमुज्जदो खंति-दाण-गुरुभत्तो ।
वंधदि भूओ साद विवरीदे बंधदे इदरं ॥२०॥ भूदाणुकंप जीवाण अणुग्गहणुल्लकदचित्तो। परपीडापच्छंव करेमाणोणुकंपा। 'वदजोयमुज्जदो' णुकंपवाणसरागादिसंजम अखीणासया । खंति कोहादिणिवित्ती । दाण उत्तमपत्तादिआहारादिदाणं । गुरुभत्तो अंतरंगपरिणामवंदण-णिरिक्खिणादि पसण्णचित्तदा । एहिं पच्चएहिं बंधइ सादमिदि भणिदं होदि । 'विवरीदे बंधदे इदरं' असादं पीडालक्खल(ण)परिणाम दुक्ख इट्ठ-वियोय सोगपरिवादादि चित्तपीडाणिमित्तादो परिताव-पउर-अंसु-णिवडण-कंदणं इंदियाऊ-वियोग-निबंधसंकिलेसपरिणामावलंबण सपराणुग्गह-अभिलास-विसअ-अणणुकंपा परिवेदणं एदे पच्चया असादावेदणीयस्स दुक्खपच्चया।
अरहंत-सिद्ध-चेदिय-तव-गुरु-सुद-संघ-धम्म-पडिणीओ।
बंधदि दसणमोहं अणंतसंसारिओ जेण ॥२१॥
अरहंता केवलणाणिणो असन्भूददोसुब्भाव कवलाहाराहारिणो अरहंता इदि आसादणं सिद्धा अणोवमसुहोवजुत्ता तदवण्णवादो इत्थीसुहादिणा विणा कुदो सुहं ? चेदिय अरहंतसिद्धाण गुणारोपणाधार तदसो [ दासा ] दणं अचेदणा णिग्गुणा, किं पडिबिंवेणे त्ति । 'तव' कम्मणिज्जराण हेदु वारस । तदासादणं किमि णिस्सिणादितवेणाप्पाण संकिलेसेण कम्मबंधो सिया । 'गुरु' सम्मणाण-दसण-चरित्तगउरवो गुरु । तप्पडिणीओ ण किंपि णाणादिगुणो असुदत्तादो। सुद वारसंगं अरहदोवदि8, मंस-भक्खणादिणिरवज्जं सुदावण्णवादो। 'धम्म' चाउगः पंडंताण सुहेऽवधारणादो धम्म । जिणहिट्टो णिग्गुणो धम्मो जे चरंति ते असुरा भविस्संति । संहरण अणंतओ वेदो दसमणसंह (संघ रिसि-मुणि-अणगारोवेदसमणा संघो) तेसिमवण्णवादो असुचिसरीरा फरुवदो (विरूवया) णिगुणा । एवं पच्चएण बंधदि दसणमोहं जेण अणंतो संसारो।
तिव्वकसाय बहुमोहपरिणदो राग-दोससंतत्तो ।
बंधदि चरित्तमोहं दुविधं पि चरित्तगुणघादी ॥२२॥ तिब्धकसाओ पावण-तवसीणं चारित्तदूसणं संकिलिट्ठा लिंग-वद-धारणादिधम्मोवहास बहुंपलावहाससीलदा हास | णाणाकीडण-परदा वद-सीलारुचि रदि । रदिविणासणं पावसीलं संगस्सादि अरदि । अप्पसोगादि मोद-परसोगादि जिंदण सोग । सभयपरिणाम परभय-उप्पादणं भय । अकुसलकिरिया पर जिंदा-दुगुंछा । अलियकहण अदिसंधारणपविद्ध रागिच्छी । थोव कोधाणुसित्त सदारसंतोसादि पुरिस । पउरकसाय गुझिदियरोधण-परंगणागदि णqसय । बहुमोह अणेयमिच्छत्तभेदेण परिणदो असुचिसारदा रागो। दोस रयणत्तअदूसणं । एदेहिं संतत्तो 'बंधदि चरित्तमोहं दुविहं' पंचाणुव्वदाणि, सयलपंचमहव्वयचारेत्तगुणं घादेइ इमेहिं पच्चएहिं ।
मिच्छादिट्ठी महारंभ-परिग्गहो तिव्वलोह-णिस्सीलो।
णिरयाउगं णिबंधइ पावमदी रुद्दपरिणामो ॥२३॥ 'मिच्छादिट्ठी' तच्चत्थसदहणरहिदो, महारम्भ हिंसातेआणंद-अपरिमिदपरिग्गहरक्खणाणंद किण्हलेसजुदो पावमदी णिरयाउगं बंधदि त्ति ण संदेहो ।
उम्मग्गदेसओ मग्गणासओ गूढहिययमाइल्लो । सढसीलो य ससल्लो तिरियाऊ णिबंधदे जीवो ॥२४॥
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |