Panchsangrah

SR No.: 001937
Original Sutra Author: N/A
Author: Hiralal Jain
Publisher: Bharatiya Gyanpith
Total Pages: 872
Language: Sanskrit, Prakrit, Hindi
Classification: Book_Devnagari & Karma
File Size: 21 MB

Page 611

५४४
पंचसंगहो
कत्तारा तिविधा-मूलतंतकत्ता उत्तरतंतकत्ता उत्तरोत्तरतंतकत्ता चेदि । तत्थ मूलतंतकत्ता भयवं महावीरो। उत्तरतंतकत्ता गोदमभयवदो । उत्तरोत्तरतंतकत्ता लोहायरिया भट्टारकअप्पभूदिअआयरिया ।
एयारसंगमूलो खंधो उण दिद्विवादपंचविहो । णो अंगारोहज्जदो (?) चउदहवरपुव्यसाहिल्लो ।।१३।। वत्थूवसाहपवरो पाहुटदल पवलकुसुम.चिंचइओ।
अणिओगफलसमिद्धो सुदणाणाणोअहो जयऊ ॥१४॥ एत्थ सुदणाणस्स अधियारादो सुदणाणस्स एवं पंचविधं उवक्कम कायव्वं । तस्स सुदं णाम-श्रुत्वा पठित्वा गृह्णातीति श्रुतं नाम । पमाणं अक्खर-पद-संघाद-पडिवत्ति-अणिओगद्दारेहि संखेज्ज', अत्थदो अणंतं । वंत्तुपदा [ वक्तव्वदा ] सुदणाण' तदुभयवंतपदा [वत्तव्वदा । अत्थाधियारो बारहविधो।
आयारं सुद्दयडं ठाणं समवाय विवायपण्णत्ती । णादाधम्मकहाओ उवासयाणं च अज्झयणं ॥१५॥ अंतयडदसं अणुत्तरोववादियदसं पण्णवायरणं ।
एयार विवायसुत्तं वारसमं दिहिवादं च ॥१६॥ एत्थ पुण आयारंगं अट्ठारहपदसहस्से हि १८००० ववहारं वण्णेदि रिसिगणस्स ।
कधं चरे कधं चिडे कधप्नासे कधं सये । कधं भासेज्ज भुंजीज्जा कधं पावं ण बज्झदि' ॥१७॥ जदं चरे जदं चिट्ठ जदमासे जदं सये ।
जदं भासेज्ज भुंजीज्जा एवं पावं ण बज्झदि ॥१८॥ सुद्दयडणामंगं छत्तीसपदसहस्से हिं ३६००० ससमय-परसमयमग्गणदा। ठाणणामंगं वादालसहस्से हिं पदेहिं ४२००० एगादि-गुत्तरढाणं वण्णेदि जीवस्स । तं जहा
एओ चेव महप्पो सो दुवियप्पो तिलक्षणो भणिदो । चउचंकमणाजुत्तो पंचग्गगुणप्पहाणो य ॥१६॥ छक्कावकमजुत्तो कमसो पुण सत्तभंगिसब्भावो ।
अट्ठासवो णवपदो जीवो दसठाणिओ णेओ ॥२०॥ समवायणामंगं इक्कलक्ख-चउसविसहरसेहिं देहिं १६४००० समकरणं मग्गणा । [समवायणा-] मंगं चदुविधं-दव्वदो खेत्तदो कालदो भावदो। दव्वदो धम्मत्थियाए अधम्मत्थियाए लोगागासं एगजीवपदेसा वि य चत्तारि समा। खेत्तदो सीमंतणाम णिरयं माणुसं खेत्त उडुविमाणं सिद्धिखेत्तपदं चत्तारि वि समा। कालदो समयं समएण समं, मुहुत्तो मुहुत्तसमो त्ति । भावदो केवलणाणं केवलदसणं च समा, ओधिणाणं ओधिणाण-[ दंसण-] सममिदि।
१. मूलाचा०१०१२। दशवै०४,७।३. मूलाचा० १०१३, दशवै० ४,८। २. पञ्चास्ति०७७-७८।