________________
१.२६-]
विलासवईकहा
जं दिह्र कुमार मणोहरंगु तं तीए परव्वसु हुयउ अंगु । विवरीय-पाउ एहु मयणु होइ जं कज्जाकज्जु न मुणइ कोइ । मुझंति एत्थ नर पंडिया वि पुणु पुणु वि पयट्टहिं खंडिया वि ।
धत्तुरय खद्धे सुवण्णु जेंव पेच्छति सव्वु अणुकूलु तेंव । ५ कुल सील ठाउ नालोचयंति खणमेत्त सुहत्थु परिचयति । तं कुमर-रूवु परिमावयंति गय भवणुज्जाणि नरिंद-पत्ति । अह ते वि पत्त निय-मंदिरम्मि एत्थतंरे वियलिए वासरम्मि । पट्टविय विलासवईय लेवि कलहोय-विमल-तलियहिं करेवि ।
विज्जाहर-बंधि-गुत्थयाई कुसुमाइं सिंदुवारुब्भवाइं । १० तंबोलु वि सरिसु विलेवणेण आगय अणंगसुंदरि खणेण ।
पणिवाउ करेविणु भणिउ तीए सामिय विन्नत्तउ सामिणीए । एयाइं सहत्थे गुत्थयाई कुसुमाई दइय-जण-जोग्गयाई । जइ किज्जइ अम्हह उवरि नेहु अप्पणु अवस्स उवभोगु नेहु ।
कक्कोल-एला-जाईफले हिं कप्पूर-वेल्लि-बल्लह-दलेहिं । १५ कप्पूर-वास-पोप्फल-कसाउ नव-खइर-सार-सहयार-साउ ।
तंबोलु सवाणउ अज्जउत्तु अम्हहं पसाउ कोरउ बहुत्तु । तो इय जैतिय कुमरें बुत्तिय देवि किंचि जे आइसइ । तं चेव य किज्जइ न वियप्पिज्जइ मा अन्नह संभाविसइ ॥२६॥
निय-फुल्ल-माल परिहरिवि तेण सा कुसुम-माल धारिय सिरेण । पिय-पेसियं ति बहुमाणएण अंग पि विलित्तु विलेवणेण । तह निययावीलु परिच्चएवि तंबोलु सवाणिउ पिउ करेवि ।
विहसेविणु भणइ कुमार-इछु सुंदरि तई कुमरह विणउ दिदछु । [२६] २. पु० विवरिउ, जि कज्जाकज्ज ४. पु० खद्धि ५. पु. कुल, खणमित्त
६. ला• कुमरु, भवणुज्जाणे ७. ला० एत्थंतरि १२. ला. सहत्थि, पु० जुग्गयाइं १८. ला० विगपिज्जइ
Jain Education International
For Private & Personal Use Only
www.jainelibrary.org
