________________
प्रवचन-सारोद्धार
८५
05-5:18
तुप्पेणं तेणं चिय तइयं गुलहाणियापभिई ॥ २३३ ॥ चउत्थं जलेण सिद्धा लप्पसिया पंचमं तु पूयलिया। चोप्पडियतावियाए परिपक्कं तीस मीलिएसु ॥ २३४॥ आवस्सय-चुण्णीए परिभणियं एत्थ वण्णियं कहियं । कहियव्वं कुसलाणं पउंजियव्वं तु कारणिए ॥ २३५ ॥ सव्वा हु कंदजाई सूरणकंदो य वज्जकंदो य । अल्लहलिद्दा य तहा अदं तह अल्लकच्चूरो ॥ २३६ ॥ सत्तावरी विराली कुमारि तह थोहरी गलोई य । ल्हसणं वंसगरिल्ला गज्जर तह लोणओ लोढो ॥ २३७ ॥ गिरिकन्नि किसलपत्ता खरिंसुया थेग अल्लमुत्था य। तह लोणरुक्खछल्ली खेल्लुडो अमयवल्ली य॥ २३८ ॥ मूला तह भूमिरुहा विरूह तह ढक्कवत्थुलो पढमो। सूयरवल्लो य तहा पल्लंको कोमलंबिलिया ॥ २३९ ॥ आलू तह पिंडालू हवंति एए अणंतनामेहिं । अण्णमणंतं नेयं लक्खण-जुत्तीइ समयाओ ॥ २४० ॥ घोसाडकरीरंकुरतिंदुयअइकोमलंबगाईणि।। वरुणवडनिंबगाईण अंकुराइं अणंताई ॥ २४१ ॥ गूढसिर-संधि-पव्वं समभंगमहीरुगं च छिन्नरुहं । साहारणं सरीरं तब्दिवरीयं च पत्तेयं ॥ २४२ ॥ चक्कं व भज्जमाणस्स जस्स गंठी हवेज्ज चुन्नघणो। तं पुढवीसरिसभेयं अणंतजीवं वियाणाहि ॥ २४३ ॥ गूढसिरागं पत्तं सच्छीरं जं च होइ निच्छीरं । जं पि य पयावसंधिं अणंतजीवं वियाणाहि ॥ २४४ पंचंबरि चउविगई हिम विस करगे य सव्वमट्टी य। रयणी-भोयणगं चिय बहुबीय अणंतसंधाणं ॥ २४५ ॥ . घोलवडा वायंगण अमुणिअनामाणि फुल्ल-फलयाणि ।
Jain Education International
For Private & Personal Use Only
www.jainelibrary.org
