Page Text
________________
३१६
खंदगसूरिका
तास महाभागो अनंतभवभायणं धुवं होही । कम्मक्खओवयारं तुम्ह कुणंतो दयाजोग्गो ।। १०१७९ ।।
हवन को विजओ परकयकम्मस्स लेसमेत्तं पि । तो सकयमणुहवंतो जीवो कि दुम्मणो होइ ॥ १०१८० ।। तुभे उत्तिमखत्तियकुलसंभूया महानरिदाण । अंगुब्भवाय तम्हा परस्स कज्जे वि तुम्भेहिं ॥। १०१८१ ।। चइव्वं नियजीयं तणं व समरंगणे पविट्ठे हि । निसियसरसेल्लभल्लाभिघाय सल्लियसरीरेहि ॥ १०१८२ ।। किं पुण नियकज्जम्मि वि न करिस्सह एरिसं सुहफलम्मि । इच्चाइदेसणाए ते खंदगसूरिणा सव्वे ।। १०१८३ ।। तह कह विपरमसंयमग्गमवयारिया जहा तेहिं । सुहभावणागएहिं मुणिया न मणं पि तणुपीडा ।। १०१८४ ।। ते वालगेण मुणिणो चडाविया तम्मि दारुणे जंते । गणिणा उ खंदगेणं सुहयाए खवगसेढीए ।। १०१८५ ।। विदलिज्जति मुणीणं तेसि जंतेण अंगुवंगाई । सुक्कज्झाणेणं तो कम्माई पुणो समग्गाई ।। १०९८६ ॥ इ ते महाणुभावा भीएहिं व जंतपीलणदुहाओ । सव्वेहिं वि कम्मेहिं लहुमुक्का सिवपयं पत्ता ।। १०१८७ ।। खंदगसूरी पुण घाणयस्स नियडट्ठिओऽणगाराण । भरिओ रुहिरचिरिक्काहिं सव्वओ पीलयंताण ।। १०१८८ ।। पज्जते खुलओ अणगारो वालगेण आणिओ । जंतम्मि पीलणत्थं तो खंदगसूरिणा भणिओ ।। १०१८९ ॥ भो भो वाल ! एवं मा पीलावेहि खुड्डूगं इन्हि । मं चेव ताव पुव्वं पीलावह एत्थ जंतम्मि ।। १०१९० ।। तो वालगो दुरप्पा चितइ नियमाणसे इमं अट्ठ जह खंदगस्स बाढं पडिबंधो खुड्डगे एत्थ ।। १०१९१ ।। तो सेस विडेसुं पीलिज्जतेसु तारिसं दुक्खं एयस्स न संजायं भविस्सए जारिसं इन्हि
।
।। १०१९२ ॥ - पीलिज्जते एयम्मि खुडगे एयमेव ता पढमं । पीलावेमि जसो दुक्खाविज्जइ मणे बाढं ।। १०१९३।। एयस्स चेव दुक्खुप्पायणहेउं इमो समारंभो । एएण चेव जम्हा अवरद्धं मे न सेसेहिं
।। १०१९४ ।।
चितिऊण तत्तो पेक्खंतस्सेव सूरिणो तस्स । सुबहुं कयत्थिऊणं खिवाविओ खुड्डगो जंते ।। १०१९५ ।).. सो वि सुहदेसणाए खंदगसूरिस्स तिव्वसंवेगे । तह कह वि समारूढो जह पत्तो सासयं ठाणं ॥ १०१९६ ।।. पच्छा खंदगसूरी वालगमरुगस्स तारिसं दट्ट् । अइसयपडिकूलत्तं कोहहुयासेण पज्जलिओ ।। १०९९७ ।। बंध नियामे जइ मज्झ तवस्स अत्थि किं पि फलं । तो हं सजणवयस्स वि इमस्स नयरस्स सव्वस्स ।। १९८। सदुपयचउप्पयस्स वि सबालगस्स वि सपत्थिवस्सावि । होज्जामि वह ट्ठाए विहिय नियाणो इमो एवं ।। १०१९९ । जंतेण पीलियंगो मरिऊण कसायदूसिओ संतो । अग्गिकुमारत्ताए उप्पन्नो भवणवासिसुरो || १०२००॥ अह जायम्मि पभाए उज्जाणे घाणयस्स पासम्मि । जंत निपीलिज्जताणेगमुणीणं तहिन्तो ।। १०२०१ ।। निक्खतबहलसोणिय मंसावसाविहियबहुयचिक्खल्ले । रत्तविलित्तं पडियं खंदगसूरिस्स रयहरणं ।। १०२०२ ।। ऊण एक्केण गिद्धविहगेण बाहुजुयहत्थो । एसो चिट्ठइ पडिओ एत्थ इमं संकमाणेणं ॥। १०२०३ ।। चंचुपुडेणं उप्पाडिऊण नेउं पुरंदरजसाए । नियवासाय निसन्नाए अग्गओ कह वि लहु मुक्कं ।। १०२०४ ।। तं दट्ठूणं तीए कंबलरयणस्स रायदिन्नस्स । खंडेण कयनिसेज्जं नायं मह भाउणो एयं ।। १०२०५ ।। पच्छा डंडइराया तीए निब्भच्छिओ परुट्ठाए; हा पाविट्ठा ! किमेयं तए कयं अइमहापावं ।। १०२०६ ।। नू विट्ठसि तुमं न होसि सह सयलरज्जरट्ठरेण । इच्चाइ जंपिऊणं गरुयपलाव करेमाणी । १०२०७।। सन्निहि देवया उप्पाडेऊण गरुयकरुणाए । पव्वज्जमणा एसा सपरियणा एत्थ आणीया ।। १०२०८।। अह सो खंदगदेवो अंतमुहुत्तेण चेव संजाओ । पज्जत्तो सव्वाहिं वि पज्जतीहि तओ एसो ।। १०२०९ ।। ओहि परंजइ जहा पुव्वभवे किं मए समायरियं । सुहकम्मं जेण इमा संपत्ता परमदेविड्ढी ।। १०२१० ।। इसो दिणुवओगो वालगमरुगस्स डंडइनिवस्स । दुच्चेट्ठियं मुणेउं पज्जलिओ झत्ति कोवेण ।। १०२११ ॥
Jain Education International
।
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |