Page Text
________________
चउप्पन्नमहापुरिसचरिय। वियसियपंकयवयणा कमलदलच्छी ये कलियकरकमला । सियकमलधवलदेहा वियसियसियपंकयणिसण्णा ॥ २४ ॥ जिस्सा कैइसयजीहासु सहइ परिसंठियं गुणग्यवियं । कमलदलोयरदुल्ललियलच्छिसंकाए व जहिच्छं ॥ २५ ॥ ताव ण पावंति कई कइत्तणं दिट्ठसत्थसारा वि । सयलजणवंदैणिज्जे ! जा ण पसण्णा सि तं देवि ! ॥ २६ ॥ सुयदेवयं पणमिमो जीए पसाएम होइ तं कव्वं । जं गुण-दोसवियारे पंचादेसो व्व विउसाण ॥ २७॥ जीए पसाएण सया भुवणभंतरविदत्तमाहप्पो । वियरइ कव्वनिबंधो जसो व्च विउसाऽऽणणुच्छलिओ ॥ २८॥ अंगाई जीए अंगाई तह उवंगाई होन्तुवंगाई । सा सव्वसुयाणुगया देवी मह कुणउ सण्णेझं ॥ २९ ॥
अणुवत्तह णिच्चं पयइसज्जणे दुजणे य तह चेव । णियपयइमणुसरंताण ताण किं कीरइ विसेसो ? ॥३०॥ जइ भसइ तो भसिज्जइ थुव्वइ गुणकित्तणेण य थुर्णेतो । कुणइ सई चिय लोओ खल-सुयणे, ताण को दोसो? ॥३१॥
मुयणस्स होइ सुयणो खलस्स पिसुणत्तणं पि पयडेइ । कर्जावेक्खाए जओ खल-सुयणाणं पइट्ठाणं ॥ ३२॥ जो चिय एकस्स खलो सो च्चिय अण्णस्स सज्जणो होइ । कह सुयणो त्ति थुणिज्जइ ? णिदिज्जइ कह खलो काउं? ॥३३॥
णियजाइपञ्चएणं खलसुणहो भसइ जइ वि अण्णस्स । तह वि णियसुद्धयाए पिसुणं सुयणा ण याणंति ॥ ३४ ॥ ___ गुणगहणेणं सुयणो दोसे परिभाविऊण इयरो वि । जइ दोह वि तुहिकरं कव्वं ता किण्ण पज्जत्तं ? ॥ ३५ ॥ जैइ वि____ कह कह वि दिज्जइ मणो वेवंतुष्पित्थहित्यहियएहिं । खलवेरियाण पुरयो रणे य तह कव्यकरणे य ॥३६॥ तैहा वि ससत्ती पउंजियव्वा चेव । जओ
किं तेणिह जाएण वि तणलहुसरिसेण दिगुणटेण । जस्स ण जायइ लोओ गुण-दोसवियारणक्खणिओ ॥ ३७॥
अहवा किमिमीए बुहजणोवहसणिज्जाए इयरजणबहुमयाए पिसुणतणफलाए परवावारचिंताए ? जइ वा अत्तणो हियोवयाराहिलासिणा परचिंता कायया। जओ परोवयारपुचमेव अत्तणो उवयारं पुवायरिया बहुमण्णन्ति । परोक्यारो य विसिट्टोवएस-गोणपयाणेणं कुसलमइपवत्तणं । जओ णाणप्पयाणाओ अवरं विसिट्ठयरमुवारं ण पसंसंति परमत्थचिन्तया तओ जोगा-जोगणिरूवणस्थं परचिंता कायव्वा । कहं पुण समाणे पुरिसत्तणे जोगा-जोगविसेसो ? भण्णइ-इहैं ताव समासेणं छबिहा पुरिसा हवंति । तं जहा-अहमाहमा १ अहमा २ विमज्झिमा ३ मज्झिमा ४ उत्तिमा ५ उत्तिमोतिम ६ ति।
तत्य जे अहमाहम ति ते पणधम्म-ऽस्थ-कामाइसण्णा वगयपरलोयज्झबसाया सया सुहज्झवसायरहिया अण्णायमुहलेसा अमुणियपंचविहविसयरसा मूढा कूरकम्मकारिणो पावा पावायारा फुडियकर-चरण-सिरोरुहा अहमकम्मकारिणो, ते य सोयरिया केवट्टा भिल्ला पुलिंदा इंगालदाहया कट्ठच्छिदया खैरवाहया लोद्धयाइणो, एते सव्वे वि पराओ किं पि पाविऊण मैज्ज पि वा पियंति मंसं पि वा खायंति, अण्णं वा अकज्जायरणं किं पि कुणंति, सचजणरिभूया दुहिया दुहियकम्मकारिणो बुहजणउव्वेवणिज्जमवत्थंतरमणुहविऊण परलोए य णरगाइजायणाठाणाणि पावन्ति त्ति १।। ___अहमा उण इहलोयमेत्तपैडिबद्धा अस्थ-कामेक्कदिण्णहियया ववगयपरलोयचिन्ता इन्दियसुहाहिलासिणो जूइयर-रायसेवया बंदियण-णड-गट्ट-कहा(? कहया )इणो । ते" हि उवहसंति धम्मियजणं, णिदंति मोक्रवमग्गं, दुगुंछन्ति धम्मसत्थं, विउस्सन्ति देवकहालावं । भणन्ति य-"केण दिट्ठो “परलोओ ? को वा तओ समागओ ? केण वी उवलद्धो णरओ ? केण वा अवगया जीवसैता ? कहं वा जाणिओ पुण्ण-पावसन्भावो ? किंच लोय-जडा-तिदंडधारणादियं कायकिलेसो, वयगैहणं भोगवंचणा, मूणवयाइयं डम्भो, धम्मुवएसो मुद्धजणपयारणं, देव-गुरुपूयादियं धणक्यो , अओ मीत्तूण
१ य धरिय जे । २ कइयणजी जे। ३ कती जे । ४ वदणिज्जा जा जे । ५ पचाएसे व्व सू। ६ °सरन्ताण ताण कह कीरउ वि सू। ७ ग थुञ्चतो जे । ८ विक्खाए जे । ९ सुयणे त्ति थुणिज्जउ ? निदिज्जउ कह सू । १० जह कह वि दिज्जइ जे । ११ पुरओ जे । १२ तह विजे। १३ हिओव' जे । १४ अत्तणोवयारं जे । १५ नाणप्पया जे । १६ °यार ण य संसति सू , यारं पसंसति जे । १७ इय सू । १८ जे ते अहमाहमा ते सू । १९ अणाय जे । २० सा महाफू जे । २१ खडवा सू। २२ भज्ज वा सू । २३ मंस वा सू । २४ परिहूया सू । २५ पडियद्धा सू। २६ ते वि उसू । २७ धम्मत्थसत्थं जे। २८ परलोओ ? केण वा उजे । २९ व सू । ३० केण अव जे । ३. सण्णा ? कह जे। ३२ णातिय जे । ३३ "गणे जे। ३४ क्खओ जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |