________________
[ १६ वासुपुज्जसामिचरियं ]
:::::::
सागरोवमाणं चउप्पण्णाए गयाए सेज्जंसजिणाओ वासुपुज्जो समुप्पण्णो । सो अउणसत्तरि धणि समूसुओ पउमगभगोरो बोहत्तरिवरिसलक्खाउयमणुवालिऊग सिद्धिं पत्तो त्ति । कहं ? भण्णइ
मुत्त व्व पुष्णरासी जयम्मि जायन्ति ते महासत्ता । जम्मेण जाण जायन्ति णिव्वुया सयलजियलोया ॥ १॥
अस्थि इहेव जंबुद्दीवे दी भारहे वासे चंपा नाम नयरी बहुजण-धण-कणगसमिद्धा । तीए पणयासेसभूवालमउडमसिणियपायवीडो वसू णाम णराहिवो परिवसति । तस्स य सयलंतेउरप्पहाणा जया णामेण अग्गमहिसी । तीए य सह विसयसुहमणुहवन्तस्स अइकंतो कोइ कालो।
अण्णया य महासुकाओ चविऊण जेट्ठस्स सुट्ठमीए सयभिसाणक्खत्तजुत्ते रयणिमुहतिलए ससहरे जयाए कुच्छीए समुप्पण्णो समासाइयतित्थयरणाम-गोत्तो तिस्थयरेणं(रत्तेणं) ति। दिट्ठा य तीए चेव रयणीए चोदस महासुमिणा। साहिया जहाविहिं दइयस्स । तेण वि समाइह पुत्तजम्मं ति । तओ संवडिओ गम्भो । पस्या य सुहेणं फग्गुणकिण्हचउद्दसीए सयभिसाणक्खत्ते। कओ देवेहिं पुन्धकमेण जम्माभिसेओ। कयं जहस्थमेवाहिहाणं वासुपुज्जो ति।
तओ कुमारभावमणुवालिऊणे, किंचि कालं कयदारपरिग्गहो रायसिरिमणुवालिऊण, फग्गुणस्स अमावासाए सयभिसयाणक्खत्ते लोयन्तियपडिवोहिओ ओहिनाणावगयसंसारसहावो मुणिऊण सयलं असारं संसारं संवच्छरदिण्णमहादाणो तियसिंद-परिंदपरिसामज्झगओ पडिवण्णो समणत्तणं । विहरिऊग किंचि कालं छउमस्थपरियारणं माहस्स सुद्धबीयाए केवलणाणमणुपत्तो त्ति।
तओ केवलिपरियारणं विहरिऊण, दरिसिऊण संसार-मोक्खपहे, णिबविऊण वयणामएणं सयलजियलोय, चंपाणयरीए आसाढसुद्धचोदसीए सयभिसयाणक्खत्ते सेलेसीविहाणेणं खवियभवोवम्गाहिकम्मंसो सिद्धिमणु पत्तो ति ।
इति महापुरिसचरिए वासुपुज्जतित्थयरस्स बारसमस्स चरियं सम्मत्त ति ॥१६॥
बावतर सू । २'ग, कय सू । ३ असारं सयलसंसाजे । ४ संवत्सर
।
Jain Education International
For Private & Personal Use Only
www.jainelibrary.org
