________________
चउप्पन्नमहापुरिसचरियं । घणसंरोहविमुक्कं अहियं जह भाति मंडलं रविणो । तह अट्टकम्ममुक्का सिद्धा दिपंति लोयंते ।। ३९॥ जह अण्णोण्णाबाहं दीवाण पभाओ होन्ति एगहुँ । एगस्थाऽवहाणे य तह अमुत्ताण का चिंता ? ॥४०॥ चंदा-ऽइच्चा सययं खेत्तं भासंति परिमियं लोए । लोया-ऽलोयपयत्थे सिद्धा भासंति णाणेणं ॥ ४१ ।। तिणि सए तेत्तीसे घेणुत्तिभागो य एस उक्कोसो । होइ जहण्णवगाहो सतिभागा तत्थ रयणि त्ति ।। ४२ ॥ तिरिएहितो मणुया, तेहिंतो वि हु णरेसरा सुहिया । तत्तो अकम्मभूमा, तो वि सिद्धा अणंतगुणा ॥ ४३ ॥ जोइस-चन्तर-भवणा [य] कप्पवासी जहुत्तरा सुहिया । तेहिंतो मेवेजा, तत्तो वि अणुत्तरा देवा ॥ ४४ ॥ तेसु वि सव्वट्ठविमाणवासिणोऽचन्तसोक्खपडिबद्धा । तत्तो सुहियतरागा लोए सव्वुत्तमा सिद्धा ॥ ४५ ॥ इय एस समक्खाओ मोक्खविही लेसओ सुविहियाणं । फुड-वियड-पायडत्थो वित्थरओऽण्णत्थ दहव्यो ॥४६॥
किंच सिद्धाण गुणदारेण सद्दो एको वि ण पयट्टइ त्ति, जो सिद्धे संठाणाएसेण ण दीहे ण हस्से ण बट्टे ण तंसे ण चउरंसे ण परिमंडले । वण्णाएसेणं ण कण्हे ण णीले ण लोहिए ण हालिद्दे ण सुकिले । गंधाएसेणं ण सुरहिगंधे ण दुरहिगंधे । रसाएसेणं ण तित्ते ण महुरे ण अंबिले ण कडुए ण कसाए । फरिसाएसेणं ण मउए ण कक्खडे ण गरुए ण लहुए ण गिद्धे ण लुक्खे ण उण्हे ण सीए । तहा ण पुमं ण इत्थी ण णपुंसए ण सरीरी ण संगट्ठी ण रुहे ति । जइ वा कम्मक्खयाऽहिलावेणं सिद्धाण गुणा भौसियत्रा, तहा हि-खीणपंचविहणाणावरणिज्जे खीणणवविहदरिसणावरणिज्जे खीणदुविहवेयणिज्जे खीणदंसणमोहे खीणैचारित्तमोहे खीणचउव्विहाउकम्मे खीणसुहणामे खीणासुहणामे खीणउच्चागोए खीणणीयागोए खीणपंचविहंतराए त्ति । तओ परूविऊण मोक्खसरूवं, विहरिऊण महिमंडलं, सम्मेयसेलसिहरे भवयबहुलष्टमीए संवणसमीवमुवगए ससहरे समणसहस्सपरिखुडो असेसकम्मक्खयलक्खणं मोक्खमणुपत्तो ति॥
इति महापुरिसचरिए अट्ठमतित्थयरस्स चंदप्पहसामिणो चरियं समत्तं ॥१०॥
१ धणुतिभा जे सू। २ भाणियम्वा जे । ३ णचरित जे। ४ समण जे । ५ इय म जे। Jain Education International
For Private & Personal Use Only
www.jainelibrary.org
