Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 151

चउप्पन्नमहापुस्सिचरियं ।
ज्जतो मुण्णतणं भणिओ बंभणेणं जहा-देव ! पाययपुरिसो च अवीयपरमत्थो व्य णीओ न्च अमुणियसंसारसहावो ब किमेवमवत्थिी ?, संसारे णिवसंताण केत्तियं एयं ?, ता पुच्छमु को एस वुत्तंतो जेण पुत्ताण चेव सविसहस्सा बलमज्झयारम्मि ठिया वणदवेणेव हयकयन्तेण दड्ढा ?, ता महन्तमेयमच्छरियं पुच्छउ महाराओ। तओ तमायण्णिऊण विमुक्कपाडुयहाहारवं कंदन्तअंतेउरजणं रोयन्तपरियणं विलवन्तवारविलासिणिसमूहं मुच्छिज्जन्तकुमारमायरं विरसन्तकंचुइणियरं धाहावेतपडिहारसमूहं ताडिज्जन्तविलासिणिथणहरुच्छंगं तुटुंतहारं वियलंतरसणं गलंतणेउरं पडन्तकडयं भिजन्तवलयं तोडिजंतसिरोरुहं मुसुमूरिजंतअंगयं मुझंतवावण-खुज्जयं समुच्छलियगुरुहाहारच्छलियपडिरवभरियदसदिसं भरहाहिवो सबलवाहणो पाययपुरिसो व विलविउमाढत्तो, कहं ?--
हा हा अहो ! अकज्जं जं मज्झ सुया हयास ! रे दिव्य ! । सव्वे विपदीवा इव दुण्णयपवणेण विज्झविया ॥१३४॥
कि तेसिं समयं चिय आउणिबंधो ? उयाहु हयदिव्य ! । किमकालमरणसंकालुयत्तणं तुज्झ वीसरियं ? ॥ १३५॥ एकम्मि वि मज्झ सुयम्मि तुज्झ हयपण्णगाऽहिव ! ण जाया। करुणा णिक्करुण! कहं सव्वे च्चिय जेण णिट्ठविया ? ॥१३६॥
दठूण सयलरयणाणि णवर रयणाहिवो उवालभइ । तुम्हेहिं वि मह पुत्ता ण रक्खिया दुट्ठभुयगाओ ? ॥१३७॥
सेणावइ ! तुज्झ बलं देवाण वि पचलं रणमुहम्मि । तं कत्थ गयं संपइ अइविसमे मह सुयाऽवसरे ? ॥ १३८॥ किं ण कया चिय तइया संती तुमए पुरोहिय! विसिट्ठा ? । किं रक्खा ण कय च्चिय वड्ढइ ! तुमए वि पुत्ताण ? ॥१३९॥ गयवइ ! तुमं पि कह णिप्फुरो ब्व जाओ सि मह सुयावसरे ?। णागो समुज्जलंतो किं णागेणावि ण हु णिहओ?॥१४०॥ पवणजवेण वि तए आसरयण ! णिवाहिया कह ण पुत्ता ? । किं कागणिरयण ! तैए ण पडिप्फुडिओ विसहरऽग्गी ॥१४१॥
किं किं ण छिण्णमहिणो सीसं तुमए वि खग्ग ! तव्वेलं ? । दंड ! तुमाहिन्तो चिय एस अणत्यो समुप्पण्णो ॥१४२॥ किं चम्मरयण ! तुमए ण छाइओ विसमविसहरो तइया ? । किं छत्त ! परित्ताणं सुयाण ण तए समायरियं ? ॥१४३॥ महि विवरा णिग्गयमेतविसमणयणग्गिसीसमहिवइणो । किं चक्क ! तइ ण छिण्णं जेण सुया मज्झ णिविया ? ॥१४४॥
एवं च रयणाणि गरहन्तं विलवंतं च भरहाहिवं बम्भणो भणइ-किं महाराय ! संपयमेवमेवाऽणुसासेंतो अम्हारिसाण वि अणुसासणिज्जो जाओ?, अवि य
परवसणम्मि सुहेणं संसाराणिच्चयं कहइ लोओ। णियबंधुयणविणासे सबस्स चलंति बुद्धीओ ॥ १४५ ॥ धी ! संसारो, जहियं उवइसइ जणो परस्स वसणम्मि । सो च्चिय तव्वेलं चिय रुयइ सकरुणं रुयातो ॥१४६॥ तुम्हारिसा वि पुरिसा जइ [? य] णिसुम्भंति दड्ढसोएणं । ता कत्थ थिरं होही धीरत्तमणिदियं भुवणे ? ॥१४७॥ किं पम्हुट्ठो सि तुमं जं संपइमेव तइ समाइट ? । 'हयविहिवसगेण जए जह सुयसोओ ण काययो' ॥ १४८॥ एक्कस्स वि सुयरयणस्स मरणदुक्खं तु सहिउमसमत्थो । किं पुण सहिसहस्साण सज्झमेयं महाराय ! ? ॥ १४९ ॥ किंतु महावसणेणं णिचं णिव्वडइ सत्तगुणसारो । वज्जणिवाए वि पडिच्छिरस्स गिरिणो व्य माहप्पं ॥१५०॥ वसणम्मि ऊसवम्मि य एकसहावा हवन्ति सप्पुरिसा। जारिसओ च्चिय उयए अत्थमणे तारिसो सूरो॥ १५१ ।। सप्पुरिस च्चिय वसणं सहन्ति गरुयं विणिग्गयपयावा । धरणि चिय सहइ जए वज्जणिवायं ण उण तंतू ॥ १५२ ।।
'होइ गरुयाण वसणं ण उणो इयराण' सुप्पसिद्धमिणं । ससि-मूर च्चिय घेप्पंति राहुणा ण उण ताराओ ॥१५३॥ सप्पुरिसि च्चिय णिव्वडइ आवया ण उण पययपुरिसम्मि । लक्खिज्जइ मलिणं ससहरम्मि ण उणो विडप्पम्मि ।। १५४ ॥
कुणइ वियारं कालो वि णेय पुरिसाण गुणमहग्याण । सिसिरत्तणं ण सिसिरो वि कुणइ जलणस्स पहवन्तो ॥१५५॥ ... १ अविइथपरमत्थो अवीयपरमत्थो, अविदितपरमार्थः । २ कयं जे सू । ३ तए न य पडिखलिओ जे। ४ विवरणि जे सू । ५ सकलुण रुआतो जे। ६ सच्चमेय जे सू । ७ उदए जे।