Page Text
________________
१४
चउप्पन्नमहापुरिसचरियं । महाकालो माणवो संखो सव्वरयणो महापउमो पिङ्गलो। एए आगंतूणं णव विणागकुमारा भरहाहिवं वयंति-भी महासत्त! तुह पुण्णाणुहावावज्जिया अम्हे गंगामुहमागहतित्थाहिवासिणो समागया।
ता देसु रमसु मुंजसु जहिच्छियं 'णेव्वुएण हियएण । अम्हे लहिऊण तुमं अक्खयमिहिणो महाभाग! ॥ १३९ ।। ___ पुणो ओयवियं दाहिणं गंगाणिक्खुडं सेणावइणा । तओ एएण कमेण वसीकयछक्खंडभरहसिद्धी सट्ठीवाससहस्सेहि पत्तो य महया सम्मदेणं विणीयणयरीए । बारसहिं वरिसेहिं रायाहिसेओ। तओ णिरूवियं च भरहाहिवेणं-को मम भाउआणमागओ ण व ? त्ति । दिट्ठा य सुंदरी आवंडुरक्खामकवोला । तओ तं दळूण भणियं भरहाहिवेणं-किमेवमवत्था इमीए ?। कंचुइणा भणियं-देव ! आयम्बिलेणं । तओ पयणुराएण मुक्का पन्वइया य भगवओ समीवे । तो णिचत्तियमहारायाहिसेएणं भरहाहिवेणं अट्ठाणउइभाउयाणं पेसिओ दूओ। भणियं च
जइ इच्छह रायसिरिं तो मह आणाणुवत्तिणो होह । अह बहुमन्नह तायं ता लग्गह तस्स मग्गेणं ।। १४०॥
तओ सुणिऊण भरहसंदेसं सव्वे जणयं तित्थयरमुवटिया। उसभसामिणा वि समणुसासिऊण पडिवोहिया, पव्वाविया य । पुणरवि भरहाहिवो मंतिसमेओ मंतिउमाढत्तो- 'भरहे' इत्यारभ्य 'किमवसेसं ?' इत्यन्तः पाठ आर्याछन्दो ज्ञेयम् ।
एत्थंतरम्मि लद्धावसरेण सुबुद्धिणा भणियं-"एवमेयं, किंतुवेरमुवघायजगए उवयारी बंधवो सया होइ । कज्जावेक्खाए जओ मित्ता-मित्तत्तण म(व)वत्था। १४१॥
ता देव! जो एस बाहुबली महाबलपरकमो बलावलेवावमणियासेससप्पुरिससोडीरो सो किं बंधुत्तणेण तुम्ह वट्टइ ?, उयाहु अण्णह ? त्ति । तत्थ जइ ताव पुवपक्खो ता सोहणं, अह अण्णह त्ति तओ कि विजियं भरहस्स?, किं वा रिवूण उच्छाइयं ?, कहं वा अखलियत्तणं आणाए ?, महंतो मह वियप्पो तचिट्ठिएण जणिओ, ता वियारिऊण भणउ देवो"। भणियं भरहाहिवेणं-लक्खिओ तुह भावावेओ, ता पेसिजउ तस्स अज्जेव दूओ, णिव्वडउ तस्स ववसियं । ति भणिऊण सदाविओ सुवेगाभिहाणो दूओ। सिक्खविऊण पेसिओ बाहुबलिसमीवं । तओ [? गओ] गामार्गर-खेड-मडंबाइयाई लंघेऊण तक्खसिलं, पत्तो य बाहुबलि वणस्स दुवारं । महापडिहारजाणाविओ य पविट्ठो अस्थाइयामंडवं । पायवडणुडिओ य उवविठ्ठो भुमयाइढे जहारुहे आसणे। थेववेलाए य भणियं बाहुबलिणा___“जस्स कुसलेण कुसलं सयलस्स वि होइ जीवलोयस्स । किं कुसलं तस्स महाजसस्स मह बंधुणो सययं? ॥१४२॥ जा णिज्जिऊण परमंडलाई एक्कायवत्तविच्छुरिया। सा रजसिरी केणावि अमलिया धरइ तह चेव ? ॥१४३॥
वहुआणा चउसायररसणालंकारधरणिरमणीए। किं तह 'चेव वियम्भइ माल व्व सिरेहिं घेप्पंती ? ॥१४४॥ जस्स कएण तुलिज्जति सील-मायार-कुलववत्थंभा । सो पहुपेमारंभो भण कम्मि सुजायकम्मम्मि ? ॥१४५॥
इय परियणेण जुत्तस्स तस्स दियहा सुहेण वचंति । बहुपत्थणिज्जविहवस्स बंधुणो गुरुपयावस्स ? ॥१४६॥ किंच
अज्ज गुणभायणमहं रायसिरी अज्ज णवर मह सफला । जं दुविणीयपत्थुयकहाए णियभाउणा सरिओ ॥१४७॥
ता दूध ! कहसु किमम्हारिसाणं पि सरणकारणं महारायस्स?" । इय भणियावसाणे सुवेगो भणिउमाढत्तो-"किमेवमाइसइ कुमारो ? । जओ देवस्स खणमेत्तं पि ण फिट्टइ कुमारो हिययाओ। 'संगमावसरो' ति कलिऊण पेसिओ ण कोई देवेणं ति । जं पुण आइलैं तुम्हेहिं 'सरीराइकुसलण्णेसणं' ति तत्थ
अणवरयं सेविज्जइ सुर-नरपमुहेहिं जस्स पावीढं । तुम्हारिसा य बंधू तस्स [य] कुसलं ? ' ति का संका ?॥१४८॥
'एक्कायवत्तणं रायलच्छीए, चउसमुद्दपज्जंताऽऽणापरिसक्कणं च' भणंतेहिं तुम्हेहिं अणेयसंकप्पुप्पाइयवियप्पो परमेसरसमीववत्ती पिसुणजणो णिरवयासीकओ उभयसिद्धीए । णेहहाणं पुण सया गुणगणो बंधुयणो य । ता कुमार ! महारायाभिसेयावसरे वि तुम्हे णागय त्ति जैणियउत्कंठेणं देवेणं पेसिओ म्हि अणागमणणिमित्तजाणणत्थं "यवयणावसाणे भणियं बाहुबलिणा-सहवासपरिहवासकाए णागया अम्हे । जं च आणा अम्हारिसेसु खलइ तं अलंकारो, ण परिहवोराइणो, जओ__जा ससुरा-ऽसुर-किण्णर-विज्जाहर-णरसुरेहिं घेप्पन्ती । सा आणा बंधुसु खलइ णवर थेवो अलंकारो ॥ १४९॥
१ निव्वुएण जे । २ री ओपडुरखाम जे । ३ उ अज्जेव सू । ४ गर-णगरा-ऽडइ-मर्ड जे। ५ °भवणस्स जे । ६ चेय जे। ७ संगामा जे। ८ भो कु सू । ९ जणिउकंठेण जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |