________________
३०. १७. ३ ]
,
कहकोसु.
[ ३१३
५
ए अज्ज वि अपाव जणपूज्जिय
बंभयारि विसएहिँ विवज्जिय । एयहुँ मज्झि पढमु जाएवउ
मइँ पावेण नरम पइसेवउ । जामज्ज वि ण जामि णरयावणि
सरणु पईसमि ताम महामुणि । ते तिन्नि वि तेणेउ वियप्पिवि
पेसिय घरु समिहाउ समप्पिवि । अप्पणु पुणु निव्वेएँ लइयउ
साहुसमीवि विप्पु पव्वइयउ । एत्तहि वेलाइक्कमि जायण
पुच्छिय नंदण दियवरजायण । पुत्तो ताउ काइँ तुम्हारउ
अज्ज वि नावइ लोयपियारउ । अम्हइँ पेसेवि अक्खइ पव्वउ
एउ न जाणहुँ ताउ कहिं गउ । नंदणु सत्थिमईए तउ तहिँ
पेसिउ चत्तु जणेरु वणे जहिँ । घत्ता-ससहाएण तेण वियर्ण जोयंतें दिट्ठउ ।
हुउ निग्गंथु महासवणु तरुमूलि निविट्ठउ ।।१५।।
१०
५
पव्वएण तं तेम निएप्पिणु
अम्हइँ ताय अणाह मुएप्पिणु । हा हा कि किउ एम भणेप्पिण
सुइरु रुएप्पिणु पय पणवेप्पिणु । परिहणु पाणहियाउ लएप्पिणु
जन्नोवइउ पवित्तिउ नेप्पिणु । अप्पिवि कहिउ जणेरिहे वइयरु
जिह संजायउ ताउ दियंबरु । तं सुणेवि हा नाह भणंती
पडिय धरायलवीढि रुयंती। उट्ठिउ दुक्खु दुक्खविद्दाणी
थिय निंदेवि विप्पु विप्पाणी। त। पव्वउ पिउपइ आरूढउ
हुउ आयरिउ सव्वजणरूढउ । नियमइविहवें जं जिह जाणइ
तं तिह विप्पसयहो वक्खाणइ । एत्थंतरि विस्सावसु राणउ
प्रायन्नेविणु वत्त सयाणउ । खीरकयंबायरिउ पसंसिवि
पुत्तकलत्तमोहु परिसेसिवि । घत्ता-अप्पिवि वसु वसुमइ सुयो निग्गंथु हवेप्पिणु ।
हुउ जइ जिणवयणासियउ गुरुपय पणवेप्पिणु ।।१६॥
१०
रज्जि वइटें हक्कारेप्पिणु भणिय माय मग्गहि गुरुदक्षिण जइयहुँ मग्गेसमि गुरुवच्छल
वसुणा उज्झाइणि पणवेप्पिणु । मणि परिभाविवि भणइ वियक्खण । तइयहुँ तं देज्जसु जसनिम्मल ।
Jain Education International
For Private & Personal Use Only
www.jainelibrary.org
