________________
શ્રી નવાણુપ્રકારી પૂજા
૧ ૨૭ અગિયારમી પૂજા
દુહા શત્રુંજયગિરિ મંડણો, મરુદેવાનો નિંદ; યુગલાધર્મ નિવારકો, નમો યુગાદિ નિણંદ. ૧.
ઢાળ તીરથની આશાતના નવિ કરીએ, નવિ કરીએ રે નવિ કરીએ; ધૂપ ધ્યાન ઘટા અનુસરીએ, તરીએ સંસાર. તીરથની ૧ આશાતના કરતાં થકાં ધનહાણી, ભૂખ્યા ન મળે અન્નપાણી; કાયા વળી રોગે ભરાણી, આ ભવમાં એમ. તીરથનીઓ ૨ પરભવ પરમાધામીને વશ પડશે, વૈતરણી નદીમાં ભળશે; અગ્નિ ને કુંડે બળશે, નહીં શરણું કોય. તીરથની ૩
દુહાનો અર્થ શત્રુંજયગિરિના આભૂષણરૂપ, મરુદેવા માતાના પુત્ર અને યુગલિકધર્મને નિવારનાર એવા યુગાદિનિણંદ ઋષભદેવ પ્રભુને નમસ્કાર થાઓ. ૧.
ઢાળનો અર્થ- આ મહાતીર્થની આશાતના ન કરીએ. ધૂપઘટા સાથે ધ્યાનઘટાને જોડીએ તો આ સંસારને તરી જઇએ. ૧.
તીર્થની આશાતના કરવાથી ધનની હાનિ થાય, ભૂખ્યા હોવા છતાં અન્ન-પાણી ન મળે. કાયા રોગથી વ્યાપ્ત થાય, આ ભવમાં એવી - સ્થિતિ પ્રાપ્ત થાય. ૨.
તીર્થની આશાતના કરનાર જીવો પરભવમાં પરમાધામીને વશ પડે, તેઓ વૈતરણી નદીમાં વહેવરાવે, અગ્નિના કુંડમાં બાળે. ત્યાં તે જીવોને કોઈ શરણભૂત નથી. ૩.
આ તીર્થ શ્રી આદિનાથ પ્રભુ પૂર્વ નવાણું વાર આવ્યા છે. અનેક
Jain Education International
For Private & Personal Use Only
www.jainelibrary.org
