________________
(जिणधम्मसदहणा) धम्म जिणपन्नत्तौं सम्ममिणं सद्दहामि तिविहेणं । तस-थावरभूयहियं पंथं नेव्वाणगमणस्स' ॥१०७॥
(विविहवोसिरणापरूवणा) समणो मित्ति य पढम, बीयं सव्वत्थ संजओ मि त्ति। सव्वं च वोसिरामि जिणेहिं जं जं च पडिकुळें ॥१०८॥ उवही सरीरगं चैव आहारं च चउन्विहं । मणसा वय काएणं वोसिरामि त्ति भावओ ॥१०९।।
मणसा अचितणिज्जं सव्वं भासायऽभासणिज्जं च । काएण अकरणिज्जं सव्वं तिविहेण वोसिरे॥११०॥
( पच्चक्खाणेण समाहिलंभो) अस्संजमवोगसणं उवहि विवेगकरणं उवसमो य । पडिरूयजोगविरओ खंती मुत्ती विवेगो य ॥१११॥ एयं पच्चक्खाणं आउरजणावईसु भावेण । अण्णयरं पडिवण्णो जंपतो पावइ समाहिं ।।११२॥
( अरहंताइएगपयसरणगहणण वि वोसिरणाए आराहातं)
एयंसि निमित्तम्मी पच्चक्खाऊण जइ करे कालं। तो पच्चक्खाइयव्वं इमेण एक्केण वि पएणं ॥११३॥
१. निन्वाणमग्गस्स सा० । २. अंतयरं सं० ।
Jain Education International
For Private & Personal Use Only
www.jainelibrary.org
