________________
सु० १९-३८] नियंठभेएसु ४-६ कप्प-चरित्त-पडिसेवणादाराई १०२१ होजा ? गोयमा ! सामाइयसंजमे वा होजा, छेदोवट्ठावणियसंजमे वा होजा, नो परिहारविसुद्धियसंजमे होज्जा, नो सुहुमसंपरायसंजमे होजा, नो अहक्खायसंजमे होजा।
३०. एवं बउसे वि। ३१. एवं पडिसेवणाकुसीले वि ।
३२. कसायकुसीले पं० पुच्छा। गोयमा ! सामाइयसंजमे वा होजा जाव सुहुमसंपरायसंजमे वा होज्जा, नो अहक्खायसंजमे होजा ।
३३. नियंठे णं० पुच्छा । गोयमा ! णो सामाइयसंजमे होजा जाव णो सुहुमसंपरायसंजमे होजा, अहक्खायसंजमे होजा ।
___३४. एवं सिणाए वि। [दारं ५]। [सु. ३५-४०. छटुं पडिसेवणादारं-पंचविहनियंठेसु मूलुत्तरगुणपडि
सेवण-अपडिसेवणपरूवणं] ३५. [१] पुलाए णं भंते ! किं पडिसेवए होजा, अपडिसेवए होजा ? गोयमा ! पडिसेवए होजा, नो अपडिसेवए होज्जा ।
[२] जदि पडिसेवए होज्जा किं मूलगुणपडिसेवए होजा, उत्तरगुण- १५ पडिसेवए होज्जा ? गोयमा ! मूलगुणपडिसेवए वा होज्जा, उत्तरगुणपडिसेवए वा होजा। मूलगुणपडिसेवमाणे पंचण्हं आसवाणं अन्नयरं पडिसेवेज्जा, उत्तरगुणपडिसेवमाणे दसविहस्स पञ्चक्खाणस्स अन्नयरं पडिसेवेज्जा ।
३६. [१] बउसे गं० पुच्छा। गोयमा ! पडिसेवए होजा, नो अपडिसेवए होजा।
[२] जइ पडिसेवए होज्जा किं मूलगुणपडिसेवए होज्जा, उत्तरगुणपडिसेवए होजा १ गोयमा ! नो मूलगुणपडिसेवए होज्जा, उत्तरगुणपडिसेवए होज्जा। उत्तरगुणपडिसेवमाणे दसविहस्स पञ्चक्खाणस्स अन्नयरं पडिसेवेजा।
३७. पडिसेवणाकुसीले जहा पुलाए।
३८. कसायकुसीले० पुच्छा। गोयमा ! नो पडिसेवए होजा, अपडि- २५ सेवए होजा।
Jain Education International
For Private & Personal Use Only
www.jainelibrary.org
