________________
९०६
वियाहपण्णत्तिसुत्तं [स० २४ उ०१ ८. तेसि णं भंते ! जीवाणं केमहालिया सरीरोगाहणा पन्नत्ता १ गोयमा ! जहन्नेणं अंगुलस्स असंखेजतिभागं, उक्कोसेणं जोयणसहस्सं ।
९. तेसि णं भंते ! जीवाणं सरीरगा किंसंठिया पन्नत्ता १ गोयमा ! हुंडसंठाणसंठिया पन्नत्ता ।
१०. तेसि णं भंते ! जीवाणं कति लेस्साओ पन्नत्ताओ ? गोयमा ! तिन्नि लेस्साओ पन्नत्ताओ, तं जहा—कण्हलेस्सा नीललेस्सा काउलेस्सा ।
११. ते णं भंते! जीवा किं सम्मपिट्ठी, मिच्छादिट्ठी, सम्मामिच्छादिट्ठी ? गोयमा ! नो सम्मपिट्ठी, मिच्छादिट्ठी, नो सम्मामिच्छद्दिट्ठी ।
१२. ते णं भंते ! जीवा किं नाणी, अन्नाणी ? गोयमा ! नो नाणी, १० अन्नाणी, नियमं दुअन्नाणी, तं जहा–मतिअन्नाणी य सुयअन्नाणी य ।
१३. ते णं भंते ! जीवा किं मणजोगी, वैइजोगी, कायजोगी ? गोयमा ! नो मणजोगी, वइजोगी वि, कायजोगी वि।
१४. ते णं भंते ! जीवा किं सागारोवउत्ता, अणागारोवउत्ता ? गोयमा ! सागारोवउत्ता वि, अणागारोवउत्ता वि। १५ १५. तेसि णं भंते ! जीवाणं कति सन्नाओ पन्नत्ताओ ? गोयमा !
चत्तारि सन्नाओ पन्नत्ताओ, तं जहा-आहारसण्णा भयसण्णा मेहुणसण्णा परिग्गहसण्णा।
१६. तेसि णं भंते ! जीवाणं कति कसाया पन्नता १ गोयमा ! चत्तारि कसाया पन्नत्ता, तं जहा—कोहकसाये माणकसाये मायाकसाये लोभकसाये ।
१७. तेसि णं भंते ! जीवाणं कति इंदिया पन्नत्ता ? गोयमा ! पंच इंदिया पन्नत्ता, तं जहा—सोर्तिदिए चक्खिदिए जाव फासिदिए ।
१८. तेसि णं भंते ! जीवाणं कति समुग्घाया पन्नत्ता ? गोयमा ! तओ समुग्घाया पन्नत्ता, तं जहा-वेयणासमुग्घाए कसायसमुग्घाए मारणंतियसमुग्घाए।
१. °मा ततो ले ला १ ला ४॥ २. नियमा मु०॥ ३. वयजो° ला ४ मु०॥ ४. भणगा' जे. जं०॥ ५. माण. माया० लोभ जे० । माण. माय० लोभ जं०॥
Jain Education International
For Private & Personal Use Only
www.jainelibrary.org
