________________
वियाहपण्णत्तिसुत्तं [सं० १९ उ०५-८ ७. नेरइया णं भंते! किं निदायं वेयणं वेएंति, अनिदायं १ जहा पन्नवाए जाव वेमाणिय त्ति।
सेवं भंते! सेवं भंते! ति०।
[छटो उद्देसओ 'दीव'] [सु. १. दीव-समुद्दवत्तव्ययाजाणणत्थं जीवाभिगमसुत्तावलोयणनिदेसो]
१. कहि णं भंते! दीव-समुद्दा ?, केवतिया णं भंते ! दीव-समुद्दा ?, किंसंठिया णं भंते ! दीव-समुद्दा ? एवं जहा जीवाभिगमे दीव-समुद्दद्देसो सो चेव
इह वि जोतिसमंडिउद्देसगवज्जो भाणियब्बो जाव परिणामो जीवउववाओ जाव १० अणंतखुत्तो।
सेवं भंते! सेवं भंते! ति।
॥१९.६॥
[सत्तमो उद्देसओ ‘भवणा'] [सु. १-१०. चउव्धिहाणं देवाणं भवणावास-विमाणावाससंखाइपस्वणं] १५ १. केवतिया णं भंते ! असुरकुमारभवणावाससयहस्सा पन्नत्ता ? गोयमा ! चोयटैि असुरकुमारभवणावाससयसहस्सा पन्नत्ता।
२. ते णं भंते ! किंमया पन्नता ? गोयमा ! सव्वरयणामया अच्छा सण्हा जाव पडिरूवा। तत्थ णं बहवे जीवा य पोग्गला य वक्कमति विउक्कमंति
चयंति उववजंति, सासया णं ते भवणा दव्वट्ठयाए, वण्णपज्जवेहिं जाव फास२० पजवेहिं असासया।
३. एवं जाव थणियकुमारावासा। .
१. "निदाय ति ककारस्य स्वार्थिकप्रत्ययत्वाद् निदामित्यर्थः" अधृ०॥ २. दृश्यतां श्रीमहावीरजैनविद्यालयप्रकाशिते ‘पण्णवणासुत्तं भाग १' ग्रन्थे, पृ० ४२६-२७, सू० २०७८-८४ ॥ ३. दृश्यता जीवाजीवाभिगमसूत्रम्, पत्र १७६-२७३ सू० १२३-९०, आगमोदय०॥
Jain Education International
For Private & Personal Use Only
www.jainelibrary.org
