________________
८४०
वियाहपण्णत्तिसुत्तं [स० १९ उ० ३-४ पडिसंखिविय पडिसंखिविय जाव 'इणामेव 'ति कट्ठ तिसत्तखुत्तो ओपीसेजा। तत्थ णं गोयमा ! अत्थेगइया पुढविकाइया आलिद्धा, अत्थेगइया नो आलिद्धा, अत्थेगइया संघट्टिया, अत्थेगइया नो संघट्टिया, अत्थेगइया परियाविया, अत्थेगइया नो परियाविया, अत्थेगइया उद्देविया, अत्थेगइया नो उद्दविया, अत्यंगइया ५ पिट्ठा, अत्थेगइया नो पिट्ठा; पुढविकाइयस्स णं गोयमा ! एमहालिया सरीरोगाहणा
पन्नत्ता।
[सु. ३३-३७. एगिदिएसु वेदणाणुभवनिरूवणं]
३३. पुढविकाइए णं भंते ! अकंते समाणे केरिसियं वेयणं पञ्चणुभवमाणे विहरति ? 'गोयमा! से जहानामए केयि पुरिसे तरुणे बलवं जाव निउण१० सिप्पोवगए एगं पुरिसं जुण्णं जराजज्जरियदेहं जाव दुब्बलं किलंतं जमलपाणिणा
मुद्धाणंसि अभिहणिज्जा, से णं गोयमा ! पुरिसे तेणं पुरिसेणं जमलपाणिणा मुद्धाणंसि अभिहए समाणे केरिसियं वेयणं पञ्चणुभवमाणे विहरइ ?' 'अणिटुं समणाउसो!' तस्स णं गोयमा ! पुरिसस्स वेदणाहिती पुढविकाए अर्कते
समाणे एत्तो अणितरियं चेव अकंततरियं जाव अमणामतरियं चेव वेयणं १५ पचणुभवमाणे विहरइ।
३४. आउयाए णं भंते ! संघट्टिए समाणे केरिसिय वेयणं पञ्चणुभवमाणे विहरइ ? गोयमा ! जहा पुढविकाए एवं चेव।
३५. एवं तेउयाएं वि। ३६. एवं वाउकाए वि। ३७. एवं वणस्सतिकाए वि जाव विहरइ। सेवं भंते ! सेवं भंते ! त्तिः।
१. उप्पीसेजा मु०। ओविसेज्जा जं०॥ २. उद्दावि मु०॥ ३. “एमहालिय त्ति एवंमहतीति, महती चातिसूक्ष्मेति भावः" अवृ०॥ ४. केरिसं वे' ला १ ला ४॥ ५. काइए ला १ ला ४ मु०॥ ६.°ए वि। एवं वगस्तति' ला १ ला ४ जं०॥
Jain Education International
For Private & Personal Use Only
www.jainelibrary.org
