________________
सु०७-१७] अहोलोयाईणं तिण्हं लोयाणं आयाममझपरूवणाइ ६२९ रयणप्पभाए पुढवीए ओवासंतरस्स असंखेजतिभागं ओगाहित्ता, एत्थ णं लोगस्स आयाममज्झे पण्णते।
१३. कहि णं भंते ! अहेलोगस्स आयाममझे पन्नत्ते १ गोयमा ! चउत्थीए पंकप्पभाए पुढवीए ओवासंतरस्स सातिरेगं अद्धं ओगाहित्ता, एत्थ णं अहेलोगस्स आयाममझे पन्नत्ते।
१४. कहि णं भंते ! उड्ढलोगस्स आयाममज्झे पन्नत्ते १ गोयमा ! उप्पिं सणंकुमार-माहिंदाणं कप्पाणं हेडिं बंभलोए कप्पे रिटे विमाणपत्थडे, एत्थ. .. णं उड्ढलोगस्स आयाममज्झे पन्नत्ते ।
१५. कहि णं भंते ! तिरियलोगस्स आयाममज्झे पन्नत्ते ? गोयमा ! जंबुद्दीवे दीवे मंदरस्स पव्वयस्स बहुमज्झदेसभाए इमीसे रयणप्पभाए पुढवीए १० उवरिमहेडिल्लेसु खंडगपयरेसु, एत्थ णं तिरियलोगैमझे अट्ठपएसिए रुयए पन्नत्ते, जओ णं इमाओ दस दिसाओ पवहंति, तं जहा–पुरस्थिमा पुरस्थिमदाहिणा एवं जहा दसमसते [स० १० उ०१ सु०६-७] जाव नामधेज ति। [सु. १६-२२. इंदापभिईणं दसहं दिसा-विदिसाणं सरूवनिरूवणं
छठें दिसा-विदिसापवहदारं] १६. इंदा णं भंते ! दिसा किमादीया किंपवहा कतिपदेसादीया कतिपदेसत्तरा कतिपदेसिया किंपज्जवसिया किंसंठिया पन्नत्ता? गोयमा! इंदा णं दिसा रुयगादीया रुयगप्पवहा दुपदेसादीया दुपदेसुत्तरा, लोगं पडुच्च असंखेजपएसिया, अलोगं पडुच्च अणंतपदेसिया, लोगं पडुच्च सादीया सपज्जवसिया, अलोगं पडुच्च सादीया अपज्जवसिया, लोगं पडुच्च सुरवसंठिया, अलोगं पडुच सगडुद्धिसंठिता पन्नत्ता। २०
१७. अग्गेयी णं भंते ! दिसा किमादीया किंपवहा कतिपएसादीया कतिपएसवित्थिण्णा कतिपदेसिया किंपज्जवसिया किंसंठिया पन्नत्ता १ गोयमा ! अग्गेयी णं दिसा रुयगादीया रुयगप्पवहा एगपएसादीया एगपएसवित्थिण्णा अणुतरा, लोगं पडुच्च असंखेजपएसिया, अलोगं पडुच्च अणंतपएसिया, लोगं पडुच्च सादीया सपन्जवसिया, अलोगं पडुच्च सादीया अपज्जवसिया, छिन्नमुत्ता- २५ वलिसंठिया पन्नत्ता।
१. खुड्डाग मु०॥ २. °लोगस्स मजो मु०॥ ३. मुरजसं मु० ॥ वि.२/१०
Jain Education International
For Private & Personal Use Only
www.jainelibrary.org
