________________
सु० ७६-८९] पयोगबंधस्स वित्थरओ परूषणा
३९१ [सु. ८३-८९. आहारगसरीरप्पओगबंधस्स वित्थरओ परूवणा]
८३. आहारगसरीरप्पयोगबंधे णं भंते ! कतिविहे पण्णत्ते १ गोयमा ! एगागारे पण्णत्ते ।
८४. [१] जइ एगागारे पण्णत्ते किं मणुस्साहारगसरीरप्पयोगबंधे १ किं अमणुस्साहारगसरीरप्पयोगबंधे ? गोयमा ! मणुस्साहारगसरीरप्पयोगबंधे, नो ५ अमणुस्साहारगसरीरप्पयोगबंधे।
[२] एवं एएणं अभिलावेणं जहा ओगाहणसंठाणे जाव इड्ढिपत्तपमत्तसंजयसम्मद्दिट्ठिपजत्तसंखेजवासाउयकम्मभूमिगगब्भवकंतियमणुस्साहारगसरीरप्पयोगबंधे, णो अणिड्ढिपत्तपमत्त जाव आहारगसरीरप्पयोगबंधे।
८५. आहारगसरीरप्पयोगबंधे णं भंते ! कस्स कम्मस्स उदएणं १ १० गोयमा ! वीरियसजोगसद्दव्वयाए जाव लाद्धं पडुच्च आहारगसरीरप्पयोगणामाए कम्मस्स उदएणं आहारगसरीरप्पयोगबंधे ।
८६. आहारगसरीरप्पयोगबंधे णं भंते ! किं देसबंधे, सव्वबंधे १ गोयमा ! देसबंधे वि, सव्वबंधे वि।
८७. आहारगसरीरप्पओगबंधे णं भंते! कालओ केवचिरं होइ १ गोयमा! १५ .. सव्वबंधे एकं समयं । देसबंधे जहन्नेणं अंतोमुहुत्तं, उक्कोसेण वि अंतोमुहुत्तं ।
८८. आहारगसरीरप्पयोगबंधतरं णं भंते! कालओ केवचिरं होइ ? गोयमा ! सव्वबंधंतरं जहन्नेणं अंतोमुहुत्तं, उक्कोसेणं अणंतं कालं-अणंताओ ओसप्पिणि-उस्सप्पिणीओ कालओ, खेत्तओ अणंता लोया; अवड्ढपोग्गलपरियट्ट देसूणं । एवं देसबंधतरं पि।
२० ८९. एएसि णं भंते ! जीवाणं आहारगसरीरस्स देसबंधगाणं, सव्वबंधगाणं, अबंधगाण य कयरे कयरेहिंतो जाव विसेसाहिया वा? गोयमा ! सव्वत्थोवा जीवा आहारगसरीरस्स सव्वबंधगा, देसबंधगा संखेनगुणा, अबंधगा अणंतगुणा।
१. प्रज्ञापनासूत्रे 'ओगाहणसंठाण' नामके एकविंशतितमे पदे अयं समग्रो निर्देशः सूत्र-१५३३, पृ० ३४२-३४३, महावीर० प्रकाशन ॥
Jain Education International
For Private & Personal Use Only
www.jainelibrary.org
