________________
३३८ वियाहपण्णत्तिसुत्तं
[स० ८ उ०२ सुयनाणी य । जे तिन्नाणी ते आभिणिबोहियनाणी सुतनाणी ओहिनाणी, अहवा आभिणिबोहियणाणी सुतणाणी मणपजवनाणी। जे चउणाणी ते आभिणिबोहियणाणी सुतणाणी ओहिणाणी मणपजवणाणी। जे एगनाणी ते नियमा केवलनाणी । जे अण्णाणी ते अत्थेगतिया दुअण्णाणी, अत्थेगतिया तिअण्णाणी। जे दुअण्णाणी ते मइअण्णाणी य सुयअण्णाणी य । जे तिअण्णाणी ते मतिअण्णाणी सुयअण्णाणी विभंगनाणी।
३०. नेरइया णं भंते ! किं नाणी, अण्णाणी १ गोयमा ! नाणी वि अण्णाणी वि । जे नाणी ते नियमा तिन्नाणी, तं जहा-आभिणिबोहि० सुयनाणी ओहिनाणी । जे अण्णाणी ते अत्थेगतिया दुअण्णाणी, अत्भेगतिया तिअण्णाणी। एवं तिणि अण्णाणाणि भयणाए।
३१. [१] असुरकुमारा णं भंते किं नाणी अण्णाणी १ जहेव नेरइया तहेव तिण्णि नाणाणि नियमा, तिण्णि य अण्णाणाणि भयणाए।
[२] एवं जाव थणियकुमारा।
३२. [१] पुढविकाइया णं भंते ! किं नणी अण्णाणी? गोयमा ! १५ नो नाणी, अण्णागी-मतिअण्णाणी य, सुतअण्णाणी य ।
[२] एवं जाव वणस्सइकाइया ।
३३. [१] बेइंदियाणं पुच्छा। गोयमा ! णाणी वि, अण्णाणी वि। जे नाणी ते नियमा दुण्णाणी, तं जहा-आभिणिबोहियनाणी य सुयणाणी य । जे अण्णाणी ते नियमा दुअण्णाणी-आभिणिबोहियअण्णाणी य सुयअण्णाणी य।
[२] एवं तेइंदिय-चउरिंदिया वि ।
३४. पंचिंदियतिरिक्खजोणियाणं पुच्छा । गोयमा ! नाणी वि अण्णाणी वि। जे नाणी ते अत्थेगतिया दुण्णाणी, अत्थेगतिया तिन्नाणी। एवं तिण्णि नाणाणि तिण्णि अण्णाणाणि य भयणाए।
३५. मणुस्सा जहा जीवा तहेव पंच नाणाणि तिण्णि अण्णाणाणि २५ य भयणाए।
१. तिणाणी ला १॥ २. अण्णाणी। जे अण्णाणी ते नियमा दुअण्णाणी-मतिम मु.॥ ३. नियम ला १॥ ४. °ण्णाणी-मतिअण्णाणी य सुय° ला १॥ ५. दुणाणी ला १॥ ६. तिणाणी ला १॥ ७. णाणाई ला १॥ ८. अण्णाणाई ला १॥
Jain Education International
For Private & Personal Use Only
www.jainelibrary.org
