________________
सु०१७-२१] कालोदाइस्ल विविहपुच्छाए समाहाणं
३१७ मन्नेणं सद्धिं अगणिकायं समारभंति, तत्थ णं एगे पुरिसे अगणिकायं उज्जालेति, एगे पुरिसे अगणिकायं निव्वावेति । एतेसिणं भंते ! दोण्हं पुरिसाणं कतरे पुरिसे महाकम्मतराए चेव, महाकिरियतराए चेव, महासवतराए चेव, महावेदणतराए चेव ? कतरे वा पुरिसे अप्पकम्मतराए चेव जाव अप्पवेदणतराए चेव ? जे वा से पुरिसे अगणिकायं उज्जालेति, जे वा से पुरिसे अगणिकायं निव्वावेति ? ५ कालोदाई! तत्थ णं जे से: पुरिसे अगणिकायं उज्जालेति से णं पुरिसे महाकम्मतराए चेव जाव महावेदणतराए चेव । तत्थ णं जे से पुरिसे अगणिकायं निव्वावेति से णं पुरिसे अप्पकम्मतराए चेव जाव अप्पवेयणतराए चेव ।
27 सेकेणटेणं भंते ! एवं वुच्चइ-'तत्थ णं जे से पुरिसे जाव अप्पवेयणतराए चेव' १ कालोदाई ! तत्थ णं जे से पुरिसे अगणिकायं उज्जालेति से णं १० पुरिसे बहुतरागं पुढविकायं समारभति, बहुतरागं आउक्कायं समारभति, अप्पतरागं तेउकायं समारभति, बहुतरागं वाउकायं समारभति, बहुतरागं वण्णस्सतिकायं समारभति, बहुतरागं तसकायं समारभति। तत्थ णं जे से पुरिसे अगणिकायं निव्वावेति से णं पुरिसे अप्पतरागं पुढविक्कायं समारभति, अप्प० आउ०, बहुतरागं तेउक्कायं समारभति, अप्पतरागं वाउकायं समारभइ, अप्पतरागं १५ वणस्सतिकायं समारभइ, अप्पतरागं तसकायं समारभइ। से तेणद्वेणं कालोदाई ! जावं अप्पवेदणतराए चेव। [सु. २०-२१. कालोदाइकयाए अचित्तपोग्गलावभासण-उज्जोषणसंबंधिय
पुच्छाए भगवओ समाहाणं] २०. अत्थि णं भंते ! अचित्ता वि पोग्गला ओभासेंति उज्जोवेति तवेंति २० पभासेंति ? हंता, अस्थि ।
२१. कतरे णं भंते ! ते अचित्ता पोग्गला ओभासंति जाव पभासंति ? कालोदाई ! कुद्धस्स अणगारस्स तेयलेस्सा निसट्ठा समाणी दूरं गंता दूरं निपतति, देसं गंता देसं निपतति, जहिं जहिं च णं सा निपतति तहिं तहिं च णं ते अचित्ता वि पोग्गला ओभासेंति जाव पभासेंति । एते णं कालोदायी ! ते २५ अचित्ता वि पोग्गला ओभासेंति जाव पभासेंति ।
१. किरियात° ला १॥ २. “कुद्धस्स त्ति विभक्तिविपरिणामात् क्रुद्धेन" अवृ०। एवं 'अणगारस्स' शब्देऽपि तृतीयार्थे पष्ठी ज्ञेया॥
Jain Education International
For Private & Personal Use Only
www.jainelibrary.org
