________________
२९८
वियाहपण्णत्तिसुतं
[स०७ उ०७ [सु. १२. कामभोगाणं पंचभेयपरूषणं] १२. कतिविहा णं भंते ! कामभोगा पण्णता ? गोयमा ! पंचविहा कामभोगा पण्णता, तं जहा-सद्दा रूवा गंधा रसा फासा।
[सु. १३-१८. जीव-चउपीसदंडएसु कामित्त-भोगित्तपत्तव्यया]
१३. [१] जीवा णं भंते ! किं कामी १ भोगी ? गोयमा ! जीवा कामी वि, भोगी वि।
[२] से केणट्टेणं भंते ! एवं वुच्चति 'जीवा कामी वि, भोगी वि' ? गोयमा ! सोइंदिय-चक्खिदियाई पडुच्च कामी, पाणिदिय-जिभिंदिय-फासिंदियाइं पडुच्च भोगी। से तेणटेणं गोयमा ! जाव भोगी वि।
१४. नेरइया णं भंते ! किं कामी १ भोगी ? एवं चेव । १५. एवं जाव थणियकुमारा।
१६. [१] पुढविकाइयाणं पुच्छा। गोयमा ! पुढविकाइया नो कामी, भोगी।
[२] से केणटेणं जाव भोगी ? गोयमा ! फासिंदियं पडुच्च, से तेणडेणं १५ जाव भोगी।
[३] एवं जाव वणस्सतिकाइया । १७. [१] बेइंदिया एवं चेव । नवरं जिभिदिय-फासिंदियाइं पडुच ।
[२] तेइंदिया वि एवं चेव । नवरं घाणिदिय-जिभिदिय-फासिंदियाई पडुच्च।
[३] चउरिंदियाणं पुच्छा । गोयमा! चउरिंदिया कामी वि भोगी वि। से केणद्वेगं जाव भोगी वि ? गोयमा! चक्खिदियं पडुच्च कामी, घाणिंदियजिभिदिय-फासिंदियाइं पडुच्च भोगी। से तेणट्टेणं जाव भोगी वि ।
१८. अवसेसा जहा जीवा जाव वेमाणिया।
१. विक्काइया ला १ ॥ २. °तिक्काइया ला १ ॥३. 'पडुच्च' इत्येतदनन्तरं 'भोगी' इति पदं मुद्रितेऽधिकं वर्तते॥
Jain Education International
For Private & Personal Use Only
www.jainelibrary.org
