________________
सु० ११-१७] गम्भावहारस्स अइमुत्तयमुणिसिज्झणाए य वत्तव्वया । [सु. १७. पडिग्गहरूवनावाए उदगंसि अभिरममाणं अइमुत्तयमुणिं पेच्छिय संजायसंसयाणं थेराणं अणुसद्विपुव्वयं भगघया परूपिया
अइमुत्तयमुणिसिज्झणापत्तव्यया] १७. [१] तेणं कालेणं तेणं समएणं समणस्स भगवतो महावीरस्स अंतेवासी अतिमुत्ते णामं कुमारसमणे पगतिभद्दए जाव विणीए।
५ [२] तए णं से अतिमुत्ते कुमारसमणे अन्नया कयाइ महावुट्टिकार्यसि निवयमाणसि कक्खपडिग्गह-रयहरणमायाए बहिया संपट्टिते विहाराए।
[३] तए णं से अतिमुत्ते कुमारसमणे वाहयं वहमाणं पासति, २ मट्टियांपालिं बंधति, २ 'नाविया मे २' णाविओ विव णावमयं पडिग्गहकं, उदगंसि कट्ठ पव्वाहमाणे पव्वाहमाणे अभिरमति ।
[४] तं च थेरा अदक्खु । जेणेव समणे भगवं महावीरे तेणेव उवागच्छंति, २ एवं वदासी—एवं खलु देवाणुप्पियाणं अंतेवासी अतिमुत्ते णामं कुमारसमणे, से णं भंते ! अतिमुत्ते कुमारसमणे कतिहिं भवग्गहणेहिं सिज्झिहिति जाव अंतं करेहिति ? 'अजो!' ति समणे भगवं महावीरे ते थेरे एवं वदासी–एवं खलु अजो ! ममं अंतेवासी अतिमुत्ते णामं कुमारसमणे १५ पगतिभदए जाव विणीए, से णं अतिमुत्ते कुमारसमणे इमेण चेव भवग्गहणेणं सिज्झिहिति जाव अंतं करेहिति । तं मा णं अज्जो ! तुब्भे अतिमुत्तं कुमारसमणं हीलेह निंदह खिंसह गरहह अवमन्नह । तुब्भे णं देवाणुप्पिया! अतिमुत्तं कुमारसमणं अगिलाए संगिण्हह, अगिलाए उँवगिण्हह, अगिलाए भत्तेणं पाणेणं विणयेणं वेयावडियं करेह । अतिमुत्ते ण कुमारसमणे अंतकरे चेव, अंतिमसरीरिएं २०
चेव।
[५] तए णं ते थेरा भगवंतो समणेणं भगवता महावीरेणं एवं वुत्ता समाणा समणं भगवं महावीरं वंदंति णमंसंति, अतिमुत्तं कुमारसमणं अगिलाए संगिण्हंति जाव वेयावडियं करेंति ।
१. याए पा मु० ॥ २. कुमारे समणे ला० ॥ ३. 'जाव' पदेन 'बुज्झिहिति' 'मुचिहिति' इत्यादीनि पूर्व समागतानि प्रतीतानि सर्वाणि पदानि योजनीयानि ॥ ४. ओगेण्हह ला २॥ ५. °ए। [५] तए लों०॥
Jain Education International
For Private & Personal Use Only
www.jainelibrary.org
