________________
१२८
वियाहपण्णत्तिसुत्तं . [स० ३ उ० १ झोसित्ता तीसं भत्ताइं अणसणाए छेदित्ता आलोइयपडिक्कंते समाहिपत्ते कालमासे कालं किच्चा ईसाणे कप्पे सयंसि विमाणंसि जा चेव तीसए वत्तव्वया स च्चेव अपरिसेसा कुरुदत्तपुत्ते वि। नवरं सातिरेगे दो केवलकप्पे जंबुद्दीवे दीवे, अवसेसं तं चेव ।
२१. एवं सामाणिय-तायत्तीस-लोगपाल-अग्गमहिसीणं जाव एस णं गोयमा ! ईसाणस्स देविंदस्स देवरंण्णो एवं एगमेगाए अग्गमहिसीए देवीए अयमयारूवे विसए विसयमेत्ते वुइए, नो चेव णं संपत्तीए विउव्विंसु वा विकुव्वंति वा विकुव्विस्संति वा। [सु. २२-३०. सणंकुमाराइअच्चुयपजंताणं ससामाणियाईणं
इड्ढि-घिउव्यणाइपरूषणा] २२. [१] एवं सणंकुमारे वि, नवरं चत्तारि केवलकप्पे जंबुद्दीवे दीवे, अदुत्तरं च णं तिरियमसंखेजे।
[२] एवं सामाणिय-तायत्तीस-लोगपाल-अग्गमहिसीणं असंखेने दीवसमुद्दे सव्वे विउव्वंति।
२३. सणंकुमाराओ आरद्धा उवरिल्ला लोगपाला सव्वे वि असंखेने १५ दीव-समुद्दे विउव्वंति ।
२४. एवं माहिंदे वि । नवरं साइरेगे चत्तारि केवलकप्पे जंबुद्दीवे दीवे । २५. एवं बंभलोए वि, नवरं अट्ठ केवलकप्पे० । २६. एवं लंतए वि, नवरं सातिरेगे अट्ट केवलकप्पे० । २७. महासुक्के सोलस केवलकप्पे० । २८. सहस्सारे सातिरेगे सोलस० । २९. एवं पाणए वि, नवरं बत्तीसं केवल० ।
३०. एवं अच्चुए वि, नवरं सातिरेगे बत्तीसं केवलकप्पे जंबुद्दीवे दीवे । अन्नं तं चेव।
१. झुसेत्ता लों० ला १॥ २. जा तीसए ला० । जा तीस देववत लो० ॥ ३. व्वता ला०॥ ४. कुरदत्त ला० ॥ ५. तावत्तीसगलोग° लों० तावत्तीसलोगवाल° ला १॥ ६. रण्णो एगमेगा लो० ॥ ७. तावत्तीसगलोग लों० ला० ला १॥८. लोगवाला ला १॥ ९. विकुवंति ला १॥
Jain Education International
For Private & Personal Use Only
www.jainelibrary.org
